كنت بالماضي حبيبي يوم قلبك لي ينادي

تذكير بمساهمة فاتح الموضوع :

كنت بالماضي حبيبي .......يوم قلبك لي ينادي **
*هذه اول قصه اكتبها وارجو ان تنال اعجابكم مع
تحيات -<سالي>-*
الجزء الاول
*(البطله سارة عمرها 18سنه وهي جميله جدا وشجاعة وتحب الخير للناس وصادقه عينها زرق وشعرها كذيل الحصان بني ووجهها ابيض وشفايفها ورديين وخدودها موردة وجسمها رائع <<< يعني كامله والكامل الله)*
سارة تكحل عينيها
ام سامي :يله سارة بتتأخرين عن المدرسه
سارة:خلاص يمه خلصت
ام سامي :يله كل هالمده وانتي تتجهزين ماصار رايحه المدرسه صديقتك تنتظر من زمان برى
سارة :يوه يمه ليش مادخلتيها
ام سامي: انا قلت لها بس مارضت
سارة: اوكي باي
ام سامي : مع السلامة
برى عند الباب سميه : واخيراً جيتي
ساره :ههههه سوري حبيبتي تأخرت عليك سامحيني
سميه : ماعليه هالمره بس
سارة : شكرا ياحلى واغلى صديقة
سميه :لاتمدحيني واجد ترى يكبر راسي
سارة :هههههههه
(بنعرفكم على سمية صديقة سارة من الطفولة والباب بلباب ماتقل عن سارة جميلة عينها عسلية وشعرها طبقات لنص الظهر ولونه عسلي وبيضاء شفايفها موردة وحساسة بقوة وخجولة )هم كل يوم يمشون مع بعض لأن المدرسة قريبة من بيتهم بس مو كثير يعني يقدرون يمشون وساعات اخوها هو الي يوصلها ويوديهم
سارة : سميه شوفي ذلاك
سميه :وينهم
سارة بخوف :ذلاك ا لي على اليسار
سميه شهقت :هااااااااااااااااااااا هذيلا يضربونه
سارة :ايه مسكين
سميه :يله يله امشي بسرعة
سارة :ماقدر اخليهم يضربونه و وانا ساكتة
سميه :يعني وش بتسوين هم اكبرمنا وهم اولاد يعني اقوى منا وبعدين هو ولد والمفروض يدافع عن نفسة
سارة :ماقدر احس بتأنيب الضمير لأني اشوفهم وهم يقتلونه من الضرب واسكت
سميه :وش هالضمير الي بودينا بالف مصيبه
سارة :اذا تبين روحي انتي انا بتفاهم معاهم
سميه: ماقدر اروح واتركك بروحك انا بنتظرك هون واذا تبين شي نادي علي
سارة: اوكي ادعيلي
سميه وهي خايفه على اعز اصدقائها :اوكي انتبهي لروحك
سارة راحت عند الشباب لي يضربون الشاب:لو سمحتوا
الشباب :نعم
سارة:الي تسوونه حرام
الشاب الاول :انتي منو دخلك
سارة :انا مارضى اشوف المظلوم ينظلم وانا ساكته
زعيم الشله :وانتي منو علشان تقولي حرام ولا مو حرام اقول
استري على حالك وروحي احسن لك
سارة:يعني شنو بتسوي
الشاب الثاني في نفسه :والله انها حلوة بس طويله لسان : روحي لا افش خلقي فيك
سارة :والله خوفتني انا اقدر اسوي المصايب
الشاب الثالث:شنو يعني بتسوين
سارة :انتو ما تعرفوني زين
الشاب الرابع :اسمعي ياحلوه نعرفك مانعرفك انتي مالك دخل
سارة :مابي اعيد الكلام مرتين
الشاب الي انضرب مصدوم منها ومن شجاعتها كيف ان الشباب يمرون ويشوفون ويمشون بدون ما يساعدوني
الزعيم:شوفي بديت اعصب بسرعه روحي احسن لك
سارة بخوف :اسمع ان ماتركتوا الشاب راح افضحكم
الشاب الرابع :ماتقدرين
سارة :ليش ؟
الشاب الثاني:لنا حنا ما بنخليك
سارة فقدت الصبر بأعلى صوتها:الحقوني ياناس
الشاب الثاني بخوف:اسسسسس فضحتينا
سارة في قلبها (وهذا الي ابيه):تروحون ولا
قاطعهاالزعيم:شوفي احنا مو بزران نخاف من مين بعد من بنت ولزمي حدودك احسن لك
ساره في نفسها(هذا مبين عليه الزعيم يارب ساعدني)
لاتسألون عن سميه كانت متقطعه من الخوف على سارة بس شنو بيدها تسوي سميه Sad

اييه عرفت)
الزعيم:جاء بيمد يده عليها وماوقفه الا كف من سميه
سميه ماتدري من وين جاتها الجراءه وكانت وترتجف:حدك عاد الزعيم بعصبيه: انتي تضربيني من من بعد من بنت
ومسكها من طرف عبايتها وهي تقاومه وسارة الي تحاول تبعده عنها وقف الشاب بصعوبه وكان مليان جروح :اتركهم ياحقير
الكل كان متفاجئ انه قدر يوقف كمل كلامه بعصبيه:لوكنت شريف كان ماضربت ناس اصغر منك ولا بعد بنات الشرهه مو عليك على اهلك الي ماعرفوا يربونك وبعدين شغلك معاي مو معاهم
الشاب ترك سميه وقال :الايام جايه يا صديقي يله شباب مشوا الشاب أثرت عليه الكلمة الي قالها (ياصديقي) وماقدر يقاوم اكثرطاح على الارض من التعب والكلام الي سمعه منه
سارة مانتبهت عليه وهو طايح لأنها كانت تطمن على سميه
ساره بخوف ودموعها على خدها : انا اسفه انا الي ورطتك معي لو انا سامعه كلامك كان
سميه قاطعتها:لا لاتقولين لو ماسوينا كذا كان راح فيها خلاص لاتبكي بعدين ابكي معك انتي تعرفيني انا حساسه
سارة وهي تمسح دموعها وببتسامه صغيره :تعترفين بعد
سميه :ههه الاعتراف بالحق فضيله
ساره تذكرت الشاب :يوووه نسينا الشاب راحو له وشافوه مغمى عليه ساره بخوف: سميه عندك غرشة ماي نرش عليه كان يصحى
سميه بتوتر :أي أي وهي تبحث عن الغرشه :ياربي وين وديتها
سارة:دوري عليها بهدوء
سميه بفرح :لقيتها
سارة اخذت الغرشه وصارت ترش وتمسح عليه وهي خجلانه
الشاب فتح عينه وشاف سارة وهي تمسح عليه قال وصوته كله تعب : شكرا
ساره احمرت خدودها :العفو ماسوينا الا الواجب
الشاب بابتسامه خفيفة :لو ماساعدتوني كنت رحت فيها ماراح انسى معروفكم طول حياتي
سارة انقلب وجها وماقدرت تتكلم فتكلمة سميه بالنيابه عنها :انت بيتكم في ذى الحي ؟
الشاب :لا في الحي الي قدامه
سارة : اجل بنوصلك
الشاب :لالا مافي داعي تكلفوا على أنفسكم
سميه:لا مافي كلافه ولاشي وبعدين شوف نفسك شكلك تعبان عدل مابتقدر تروح بروحك
بعد محاولات وافق وكانت سارة فرحانه عدل
عند الباب الشاب: اشكركم مره ثانيه
سارة وسميه:العفو
الشاب :ممكن رقم جوالك
سارة باستغراب: ليش؟
الشاب:لاتفهميني غلط انا ابقى اشكركم لأني الحين مابقدر اشكركم عدل وابي ارد المعروف لكم
سارة :اوكيه طلعت سميه الورقه والقلم وكتبت سارة رقم جوالها
الشاب :شكرا
سارة بدلع :العفو
الشاب مقدر على الدلع :ممكن اعرف اسمكم>>>>ماحد قالك اقدر
سارة :هذي صديقتي سميه وانا ساره
سميه بخوف :ساره ساره
سارة كانت منذمجه مع الشاب بجماله الفتان حتى وهو مضروب صحت مسوى سميه: نعم شفيك
سميه: تاخرنا على المدرسة
سارة:يووه نسيت الحين راحت علينا الحصه الاولى
الشاب :اسف اذا اخرتكم عن المدرسه
سارة : لا ولا يهمك
الشاب:تسلمين
سارة استحت وسميه ادزها علشان تمشي:اوكي باي
الشاب: باي
شنو راح يصير مع سارة والشاب المجهول ومنهم الشباب الي ضربوه وليش وشنو علاقتهم معه وهل بيصير في سميه شيء من الشاب
الشاب دخل بيتهم وهو سرحان في عالم ثاني مليء بالحب والاعجاب
ماجدبخوف:سلمان شفيك؟!!
سلمان شاب رائع كل بنت تتمناه شعره اسود سواد الليل وحرير ويوصل لين رقبته وعيونه رماديه عمره 23سنة ثقيل مايعطي قلبة لأي احد شخصية ماجد اخوه حلو بس مو لدرجة سلمان وهو خاطب بنت عمه عمرة25 سنه (سلمان مايحب يتهاوش مع احد وهذة عقده من وهو صغير لما شاف ابوة يموت قدام عيونة وماقدر يسويله شي كان عمرة 7 سنوات )
سلمان :مافيني شي بس رضوض وجروح
ماجد: اكيد مسوى وليد والي معه
سلمان بتعب :ايه
ماجد:يله قوم بوديك المستشفى
سلمان:لالالا مايحتاج اكيد اذا رحت بيسون لي تحقيق
ماجد:وخليك تتألم
سلمان:خلاص بحط معقمات وبرتاح لي شوي
ماجد:كيف هربت منهم بالعاده يا انا او واحد من الربع اونشوفك في المستشفى ههههه
سلمان:ههههههه انت ماتدري وش صار لي
ماجد بهتمام:شنو صار
سلمان قال لماجد السالفه
ماجد:ههههههههه هههههههه هههههههههههه وهذي من وين جابت الشجاعة تواجهم
سلمان:ولله مدري انا بعد تفاجئت اما هي بنت فيها كل المواصفات فيها جمال واخلاق وشجاعه آآآآآآه من جمالها
ماجد: اشوف ماخذه عقلك البنت
سلمان وهو يتنهد:واكثر
ماجد: اكيد اخرتهم عن المدرسة
سلمان ايه الله يعينهم اقول قومني ودني الغرفه لا تجي امي واختي ويسوولي محاضرة لها اول مالها اخر منو ضربك منو ساعدك شلونك فيك شي اتحس بألم الخ..................
ماجد:ههههههه أي ولله

( في المدرسة )
المعلمة سوت سالفه لساره وسميه على التأخير
مي:ليش تأخرتوا ؟ شفتو سوت لكم سالفة
مي صديقة سارة وسميه جميلة جدا بس ما توصل لجمال سارة وسميه عيونها بني غامق وشعرها يشبه شعر سميه بني قصيرنص الظهر شخصيتها قويه(يعني ماتزعل على طول عكس سميه الحساسه)وهي محجوزه لولد عمها هو يحبها بس هي ماتحبه تحسه مثل اخوها راكان
سارة:راح عليك الفلم
مي:أي فلم!!!!
سميه:تقصد سبب التأخير
مي بفضولها المعتاد:شنو بسرعه قولوا لي
قالوا لها السالفة مي:قولوا والله
سميه وسارة:والله العظيم
مي :والله انك مو سهله يا سارة
سارة بفتخار:اكييد
مي بستغراب:وانتي ياسميه كيف جت لك الجراءه انك تعطيه الكف
سميه:والله حتى انا مدري كيف جت الجرءاه لي بس يوم شفته ماسك سارة وهي تتألم ماقدرت امسك نفسي
مي: خسارة ماكنت معاكم
سارة:المرة الجايه
سميه بخوف:ليه في مره جايه بعد
الكل: هههههههههههههه ههههههه هههههههههه
مي:كيف كان شكله حلو؟
سارة:حلو بس يجنن
سميه:البنت عشقت من اول نظرة هههههههههه
مي:ههههههه حقها مدام حلو
سارة:هي هي هي مو تتغزلين فيه ترى اغار
الكل:ههههههههه ههههههههههههه ههههههه
مي:شنو اسمه؟
سارة:يووو نسينا مانقوله شنو اسمه خساره
سميه:هو اخذ رقمك صح
سارة:ايه خلاص لما يتصل بسئله شنو اسمه سميه:صحيح سارة اليوم مابروح معك
سارة: ليش؟؟
سمية:اليوم نتجمع في بيت جدي وبيجي لي اخوي
قطع عليهم صوت الجرس الي يدل على انتهاء الدوام سارة كانت ماشيه قبل سميه ومي لأن خايفه ان اخوها يمشي عنها
سميه ومي:سارة سارة سارة
سارة:نعم
مي:انا وسميه زهقنا نبغى نطلع اليوم شرايك
سارة:والله فكره حلوه بس سميه مابتروحي بيت جدك؟
سميه:امبلا بس انا بروح الحين يعني بشبع قعده في بيت جدي
سارة: خلاص بس وين ؟
سميه:شرايكم الكرنيش
مي:لالالا مانبي كله الكرنيش خلنا نغير
سارة بعجله:بسرعه خلصوني وين
مي:خلاص السوق
سميه:واهلس فكرة بس منو بودينا
ساره بتهور علشان تخلص:خلاص انا
سميه ومي:اوكي باي ولا عطوها فرصه تتكلم
سارة:ياربي وش قلت انا تذكرت سامي الي من ربع ساعه وهو واقف سارة راحت السيارة وركبت السيارة
سارة:قبل ماتقول لي محاظرة انا اسفة
سامي:انتي تدرين اني ماحب التأخير
سارة:والله اسفه اخذتني السوالف مع صديقاتي
سامي:اخر مرة سمعتي
سارة:اوكي بس امشي بسرعه الدنيا حر
سامي :علشان تحسين فيني
(سامي اخو سارة عمرة 23 سنة جنان عينة زرقاء فاتحة شعرة اشقر الي يشوفة يفكرة امريكي شخصيته يحب المزاح في قلبه وحدة بس مايدري إذا يحبها ولا بس اعجاب )(او نسينا مانقول لكم إن جدة سارة امريكية بس جدها سعودي)
اتمنى تنال اعجابكم ولاتبخلو علي بردودكم
تحياتـــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــي

يسلموو موضوع جميل جداا
ابداع متواصل يوم بعد يوم
ونقل جميل كل ما يتعلق عن القصص
تحياتي ومروري البسيط

[ندعوك للتسجيل في المنتدى أو التعريف بنفسك لمعاينة هذا الرابط]

» أجعل قلبك ينادي بالحب ...
» عش يومك ولا تبالي بالماضي
» قلبي ينادي ويناجيك يهمس بأعذب الكلمات