يـــــــــــــــــا أســــــمر

يا اسمر يا ابو عيون الشهل كلبي الك مرعه وبيتِِ
يلي ملكت كل الحسن للحور كلي شخليت
بالكلب حط بيته الكمر وبكربه بيتك حطيت
الكمر يضوي من الشمس وانت من كيفك ضويت
يا المالك بين البشر ثاني بجماله نقاسيت
عيون عندك راجمه ما صنع منهه السوفيت
وجفون ترفه بلا رمد بيهن الارمد داويت
وجفوف ما شافت شمس جم اسد بيهن لاويت
والليل يغفه ويه الزلف وانت عليهم لوليت
والكاع تتبارك اذا دست وعليهه تمشيت
والماي يتحول عسل لو اله شفافك مديت
والزمن طخ راسه الك وانت ابد ما طخيت
ومن تفتح ازرار الصدر يتهزهز بكبره الميت
ممرود كلبي بوجنتك وبدمه انت حمريت
صرت انت ديني ومذهبي وبجامع الحب صليت
يا ريحة امي وبس الك اجمل قصائد غنيت
يندهني طيفك لو نمت اكعد واكله شتاكيت
سفان وعيونك بحر وشراعي حبك خليت
اتمنه اعيشن للابد وياك اني تمنيت
ووديت على صدرك موتتي وتدفني بيدك يا ريت
ابقه الك مخلص وفي حتى لو اني توفيت

ياسلام شعرروعه

عاشت الانامل
يسلمووووووووووووووو
دوم التواصل في الابداع

[ندعوك للتسجيل في المنتدى أو التعريف بنفسك لمعاينة هذه الصورة]
أين تتسكع السعادة .!!

شكرا للرقي في اخيار كل ما هوة جميل وجديد
تحياتي

كلمات جدا جميله ومميزه ,,

اختيار موفق ,,

تحيه واحترام ,,