البنات ,, حلوات , حبابات , بس ,,,

السلامعليكم ,, ما اعرف ليش اليوم عجبني اسولف على الكائنات الحية ثنائيةالاذنين رباعيات الاطراف اللي اسمهن البنات , كائنات تحجي هواية تضحكهواية تبجي هواية و الله يستر من اتخنزر على واحد خنزورة قوية راسا اتسويعندة جلطة بأرنبة خشمة , يمكن لان المكان الجديد اللي اشتغل بي ما بي ريحةبنية , لو يمكن لان اخر بنية شفتها جانت دا تمشي وية رجلها بالشارع عاطتبي عيطة شعر خشمة كله وكع , ما اعرف , او يمكن لان همة تصرفاتهن اتخليالواحد يكص بيهن و يسويلهن cut و يبقيه هيج بلا paste المهم ,,,

** امج كلتلج جيبي الجفجير من المطبخ , ورة 5 دقايق امج صاحت عليج كلتلجبنتي شنو نمتي بصف قنينة الغاز الجفجير وين ؟؟؟ ورة 10 دقايق صاحت بصوتاعلى جيبي الجفجير ترة راح انيمة براسج , ورة 34 دقيقة راح اتأيس و اتكلجزين ماما ابقي بالمطبخ و دزيلي الجفجير بلوتوث , و حضرتج مضيعة الوكت كلهو لازمة الجفجير دا اتحسبين كم زرف بي ,, ادري ليش ؟؟؟؟؟؟؟؟؟؟

**طالعة وحدج بالسيارة , فاتحة المسجل او عرس المسجل ما اعرف , المهم تنطيناشارة يمنة تلوفين يسرة , تنطين اشارة يسرة تلوفين يمنة و من واحد يفوتيمج سريع ترتبكين و تهدين الستيرن و تعيطين عيييييع و توكفين بنص الشارعالوراج يضرب سيارتج من ورة يصفة كاعد حاط رجل على رجل بالدشبول مالتج ,23ساعة دا اتفوتين السيارة بالكراج عال بك و اخر شي اتفوتيها قيراج و تتبجمبحيث اهلج يفكرون جديات يبيعون بيت و يشترون واحد بالحي الصناعي مال بياعمثلا حتى يجيبون الفيتر مشي بدال ما يومية جاي خطية بتاكسي لو شي , ادريليش؟؟؟؟؟؟؟؟

** امج اتكلج سوي دولمة , حسب معلوماتي ولو اني موجناي مال دولمة , بس هي من ايام حرب البسوس يحطولها ملح , من ايام مذلةحمورابي الصخمانة يحطولها ملح , تجين انتي اتحطيلها شكر , والله شنوالقواطي تتشابه , يعني ادري اني ما احب حلاوة الدولمة شكو اكلها ؟ لو مناتكلج سوي تمن شعرية , اتجيبين 10 كيلوات شعرية و نص كيلو تمن انكوم ناكلالشعرية و كل ربع ساعة انكول اهوو تمناية و نشيلها من الماعون , خوبحطيلها شوية شكر (من القوطية اللي بيها ملح اللي جان المفروض اتخليهللدولمة) و سويها حلاوة مال شعرية ,, و بالاخير راح تتعلمين طبخ ورة مانصرف فد 5 ورقات عال ادوية مال اسهال و المغص ,اتذكر بنية ويانة بالقسمكالت لا تتريكون باجر راح اجيبلكم لزانية فاحمد صاحبي (الله يرحمة!!)كاللها ماشي , حيدر (الله يشفيه من القولون) كللها جيبي هواية اني بدينالجهرة اصرف لزانيا لان كرشي 14 سليندر , جمال (الله يرده بالسلامة من يوماللي اكلها طلع يمشي بلا هدف و محد يدري بي وين ) كللها احب اللزانيا ,اني ما جنت موجود اجيت ثاني يوم سمعت الاخبار كتلها فدوة العينج مرة زانية, لا اتسوين لزانية !! , ادري ليش؟؟؟

** كل الناس اتكول هلوعادية ,, انتي ليش اتجريها ببلايس عتيك ؟هلاااااااااااااااااااااااااااااااو يعني هاي الهلاو اتفصل 12 جملة مفيدة, اول مرة اشوف هلاو تبدي الصبح تخلص وية الغدة هاي الهلاااو لو امشيعليها ورة نص ساعة اتعب و اكوم اكحكح , اما شلوووووووووووونج فتعنيها امكلثوم ب ربع ساعة وية التصفيق مال جمهور , ادري ليش؟؟؟؟؟؟

**معلوماتج العامة يرادلها تجفيت , ترة لا كندا دولة استوائية و لا الن.........يةعاصمة اسكتلندا , و سور الصين ما سوو علمود جانت اكو مفخخات بالصين لوعلمود العلس , ما اتكليلي ياهو اللي كلج هتلر جان بعمليات بغداد بس فهميني, اكلها جاك شيراك فرنسي اتكلي لا حجري اي قابل صمون فرنسي هو ,, هاي شونشغلة , و وحدة اتكلي داخل حسن جان يغني راب , يا راب ؟؟ يا راب سترك منهال معلومات ,, ادري ليش؟؟؟؟

** هاي شنو اليوم حياتي طالعةاتخبلييييييييييييييييين كيكاية و طبعا وراها 1765345 بوسة من يتلاكن بنات2 عبالك وحدة جانت بالمريخ و اللخ ايفاد بزحل , و هنة قبل ساعة متخابرات ,صارفات كارت ابو الدفتر , و طبعا اتخبلين معناها لابسة فدشي ينكال عليهاحسب كم لون بالقميص و اربح سبانة 13 خشب ,, و طبعا مرات نشوف تنانير بيها"كسرة" , و المصيبة لمن تنانير بيها "فتحة" , شوكت ترجع التناير ام "الضمة " ما اعرف ,, ادري ليش ؟؟؟؟؟؟

** تذكرون من جتي مودةمهند شسون ؟ افتح ليفكس بنية صورة مهند , اباوع على حياطين غرفتها مهند ,صور الموبايل مهند , حتى خريجات الهندسة كامن يشيلن من خانة الوظيفة التاءالمربوطة و السين اتصير مهند , حتى اللي ما شايفة اصلا مهند و لا تعرفةراحت لمحل كلتلة اريد صور مهند و سنة هي حاطيتة ما تدري السالفة شنو الىان صاحبتها كلتها ولج ذبيها البوسترات هاي فشلتينة ,, هذا مهند محسن !!ادري ليش ؟؟

** اخر شي اكول وراء كل رجل عظيم امرأة , باعو الرجل شكد فيكة , هاي عظيم و وراه مرة لعد لو ما جانت وراه جان شصار ؟؟؟؟!!!

الموضوع بس شقة هم لان البنات احلى شي رب العالمين خالقة و هم حتى لا اتبند
فيمالله يابة

[ندعوك للتسجيل في المنتدى أو التعريف بنفسك لمعاينة هذه الصورة] هاي شنو حسن

[ندعوك للتسجيل في المنتدى أو التعريف بنفسك لمعاينة هذه الصورة] بسيطة اني الك

ادري شكد حاقد علينا

هوايتي الحقد [ندعوك للتسجيل في المنتدى أو التعريف بنفسك لمعاينة هذه الصورة] ع البنات ههههههههه

اوف حسن البنات شمسويلك البنات ,, حلوات , حبابات , بس ,,, 84260

هههههههههههههههههههههههههههههه
تحياتي الك حسن عاشت ايدك

منورين عيني