هجرة الى العراق

[ندعوك للتسجيل في المنتدى أو التعريف بنفسك لمعاينة هذه الصورة]

الهجرة الى العراق

طبعا دوما نشوف اعلانات ومواضيع كثيره منها الهجره الى كندا او الهجره الى استراليا او الهجره الى امريكا بس ما شفنا في يوم موضوع الهجره الى العراق

اذا الى كل الاخوان والخوات الراغبين في الهجره الى العراق يجب
ان يعرفو شروط الهجره

اولا ترحون الى اي سفاره عراقيه في بلدكم ، راح تشوفون السره حيل شطوله
اطول من النمله المضروبه ولازكه بالكاع وصايره هريسه

راح تفوت الى السفير العراقي تلكاه نايم على الميز مالته اتكعده من النومه
مالته بس من تطب اغلق الباب وراك بقوة بحيث يطلع صوت قوي مال سفكة الباب.. هو راح يفز عباله مفخخه

كلله اريد اهاجر للعراق
راح ينطيك استمارة تمليها بيها المعلومات التاليه

1- اسم امك الكامل وشوكت اتزوجت امك ومنو اجه بالعرس مالتها
وشهر العسل مالتها وهل زوجها من ينزع اهدومه علكها بالكنتور لو ذبها بالكاع
لانه بالعراق مايقبلون واحد مامرتب لانه احنا بلد الترتيب والنظام

2- عندك مولد مال الكهرباء لو لا ؟ لانه بالعراق الكهرباء صارت بدعه وكل بدعه ضلاله وكل ضلالة في النار!!. لانه بالكهرباء راح تشغل التلفزيون وراح تطلع روبي تركص وراح تفسد اخلاقك
واحنا بالعراق ماعدنه اي واحد فاسد من رئاسة الحكومه الى شرطي المرور

3- تقرير طبي يؤكد سلامة ايدك وعضلات الساعد. لان لازم ايدك تكون قويه لانه بالصيف الكهرباء تطلع تسوي سياحة بالخارج ، وتكعد انت تهفي بيدك بالمهفه .. وهفي بيدك محد يفيدك .. شعار
وزارة الكهرباء العراقيه

4- تقرير طبي يؤكد سلامتك من الخرعه والهبطات لانه الانفجارات والمفخخات هواي ولازم يكون قلبك قوي مثل قلب الصخل .. من يخطفوك مو تخاف

5- كتلوك مال جسمك من طبيب اخصائي. حتى من تتفلش وتتملخ بمفخخه، عند وزارة الصحه الكتالوك
مالتك حتى نجمع الاشلاء مالتك حسب تعليمات الكاتلوك.. ويا ريت لا تنسى تنطينا حجم الكفن مالتك
وفلوس الدفنه

هاي هيه مابيها بعد شروط معقده مثل استراليا وكندا وامريكا .. واذا تحب ترى هم تكدر تروح للعراق بلا فيزا، مجرد تروح بالحدود هناك تنطي خمسين دولار يفوتوك.... شنو الناس تكاطعت
تدفع تدخل
و كلهم اني جهادي جاي اجاهد بالعراق يفوتوك كبل..

تحياتي

[ندعوك للتسجيل في المنتدى أو التعريف بنفسك لمعاينة هذه الصورة]

شرفتيني نجومة بمرورج

الف حمدلله ع السلامة

ههههههههه

خوش حميس طيب

[ندعوك للتسجيل في المنتدى أو التعريف بنفسك لمعاينة هذه الصورة]

ميسي يتكلم

شكرا زمن عل موضوع الحلو

شكرا بنوته كلام يزعل
لكن هذا ضحكني
كتلوك مال جسمك من طبيب اخصائي. حتى من تتفلش وتتملخ بمفخخه، عند وزارة الصحه الكتالوك
ههههههه
يسلمووو
شر البلية مايضحك
شكرا

[ندعوك للتسجيل في المنتدى أو التعريف بنفسك لمعاينة هذه الصورة]

وتبعنا اوراق تألف الخوض في ربوع السلام
تلك محطات توانت بالورود
خضراء في اسفارها