احلى الشعر مع نورس _قصة حب في الجامعة

صغيره وما تعرف تحـــب .. ولا دغـدغ قلبها الشــــوق

هضيمةبشط هواها الروح ... دوم معاتت اوي الموج
صغـــــــيره وحســـــرتي كبــــــيره يا صاحبي ما أظنها تفّل ..ولا اظن يحصد اليشتل ولا ينفع دمع يهمل
تصــد مــرّه وأعاتبــها .. تراضيني وترد تجفــــل
لا غلطه البدت مني .. ولا كلمه قلت عنهاولا عني
وأهيم وما أقول أرجع .. تجي يمّي وتجابسـني
أنام وحتى ساعه أهجع .. تجي بطيفي وتفززني
وأحس بحرقه بضلوعي .. وتضل تدي وحنيني يصب
وأقول هذي هم قسمه .. صغيره وما تعرف تحب

كثيره أيام مرت وآنا هالحاير .. لا شوره التدليني ولا شاير
واشوف الناس كلها عـزاز .. وآنـــــــا وحيـــدهم بايــــــر
اشـــجاني واشحصلت منـــــها ؟
عواذل وشت عليّ .. مثل ما وشـــتعليها ؟
لا مامش عواذل ما تحاجيـــها !!
جا شنهي السدة عليه
عرفته اللي كــان واشـــيها .. !!!
ولك يا صويحبي استاذي يحـوم يـدور عليها
تحاجيه ويحاجيها .. تناغيــه وينــاغيها
أقول يا صاحبي اسندني .. أشوف الدنيا تتل بييّ وأتل بيها

ولك استادنا ريّض .. يقــــول هاي النـاس شعليها
حســــافةاســـتاد .. جنك ما دريت بحسبتي وياها
حســــافه اســــتاد .. قلبي اللي هواهاشلون ينساها
شـــقول عليك يا استاذي .. وشــريد أدعي ؟
عسنّك بيش
بالحسرة التحز بكَليبي وبضلعي
بالعبرة التسيّل عالوجن دمعي
بالضحكات بالجلمات علمعبر نار وبالقلب تسعر
عسنّك بيش يملذون يلن كل جلمة بالدفتر تذكرني بهواك اكثر
واذكرنهة احبنهة
وحك عيناك يا استادي وعلي الشرجي احبنهة
امشي عليك أبو حزامين لا توصل بعـــد يمها
شـــتريد انطيـــك شـــهديلك ..؟
الك قلبي وقــلبي عوسج ابهمها
الك روحي وانت الروح ظالمها
تريض وانعل الشيطان .. واسمع نخوة افادي
لو هذا الحجيته وياك ما ينحاج يا استادي
خل يشهد علي الهــادي
احرم عليك حتى طبة النادي
وشحدهة وتكَلك طب صغيرة وما تعرف تحب
اشوف الناس كلهة الناس تركض علسراب تكول هذا المي وما مش ماي
وانا عليمن اكَنطر داي فوكَ الداي
ولفي وما يهمة بجاي
لجن انا يا بعد جلاي موش استاذ
ولا بيدي امر ذيج وهاي
وما اكَدر انجحنها لو سـاعه اضحكت ويــاي
ولاأقدر اسقطنها إن صــدتتـريد جفـــــاي
انا منين أجيب الشهادة منين وارضي بيهاهواي
وأنا حسره عليّ يا استادي شربة الجاي
بس عندي قليب يا محلاه .. ألف حسره تحس بجلاه
وعندي تركه من بقايا الروح كثيره جروح تصيح الدّاد
الخطية بركبتك يا استاذ
جرحي وما يلفه ضماد .. ولا اظن قصتي على البشر تنعاد
هذي قسمتي منالله مو من واحد واعتب .. صغيرة وما تعرف تحب

رد الاستاذ:

عيش ابخت واحجي ابخت وبوكَ ابخت
مكَرود يالمالك بخت
تركض وتتعب على الولف تاليه تكعد على التخت
صدكَ يالتنشد عليها ودمع عينك حرام يصب
صدكَ يا فلان زعطوطةصغيرة وما تعرف تحب
صغيرة ولعبت علية صغيرة وعذبت كَلبي
شفتها ابدرسي مو راحةتصد عين وترد تربي
تشيل اصبعها بالعمدا .. شحلاة اصبعها يسبيني
واحس بدمهااليدبي واجاوبها وترد تسال
واشوف من ادس الحلوات ياذيني
واحاجيها واكَول لكَيت مكَصودي
شحلاة الرد تكد ايدي وتسليني
شسولفلك
اخاف تطول سالفتي
على ساعة لني غركَان ابعواطفها
احبج كالت حبيب اريدج كالت اتدلل
احب ذبة سوالفهااكلها شلون وانة استاد
اكلهة شلون اطب للصف اخاف حجاية العذال لو واحديخالفها
يا عيب العيب كالت غصبا على الناس
احبك واعبد الدفتر اريدك واعشك الجلمة التوالفها
مشيت برجل تستاهل الجنة اثاريها بكبرها تطب
صدك يالتنشدعليها ودمع عينك حرام يصب
صدك يا فلان زعطوطة، صغيرة وما تعرف تحب
عليمن تنخةابو حزامين وتتهدد بعلي الشرجي وعلي الهادي
وتريد تحرمني غصب من طبةالنادي
يا حيف الحيف وانت مشورب وراهي
ويكولون الفهم عندك
ولك وين الفهم باليفرض بروحة على محبوبة ؟؟
الفهم يا فلان من يعرف معاني الحب علىدروبة
العشكَ يا فلان روحين وسط الريح مصلوبة
العشكَ رد وبدل يا فلان
لوبالكَوة جان صار العشكَ طوبة ..
اعاتب .. والعتب ياذيني ويذبني
اعاتب لجل عينك مو لجل وحدة تعذبني
ترة انة هم مثلك ظليت مدوهن وحابر
انة الظليت اردللضيم جبحاتة
انة الظليت ذاك الكَال
لا ردنة ابو عليوي ولا بينت مسحاتة

رد الطالبة

جبيرة انة جبيرة وعدكم صغيرة
صغير الماعرف امرة وتدابيرة
صغير الوكَع حظة وبكَة بحيرة
ولك والحبوا يكولون ؟
لو مالالغصن حدرة يا طير اطفر لغيرة
جبيرة انة جبيرة وعدكم صغيرة
صغير انت .. صغيروماتعرف تحب
نسيت شلون اتلكَاك من تجهب
هنا يا لاهي وماعرفت اشلون تلهة
هناية ساهي وما حسبت حسابك الهة
ساعة الكَيك يم سوسن
ساعة الكيك يم زهرة
تعال اكرب اعتبنك ولو مرة
تعال اكرب تعناني اشوفك جرحك اشكبرة
تعال وصير عطابة
تعال وجم تعال وما نفع وياك وانت على ضحجات العليلة
شلو ن مسترطب
هذا انت وتكلي صغيرة وما اعرف الحب ؟؟
شنهو الحب ؟؟
شتريد تكول .. شتوصفة ؟
المخلص يجيب الماي من الغيم لو لحظة عطش ولفة
لا تطري دروب الحب عليك محرمة كلفة
ادري بك طري ذبلان ادري بيك شبه سعفة
تميل وية الهوة لومال
ماريدك بعد حيال ظل اسمع حجي العذال
واشبع لوم كلمن كال
المايعرفتدابيرة حنطتة تاكل ش.........ة
جبيرة انا جبيرة وعدكم صغيرة
هذي قصتي وية فلان .. لاجن دشوف اشجان
استادي يصول يجول يدور ابحومة الميدان
يعض اصبع يظل سهران .. عليمن ؟؟
شنهو البدر مني وبان
يا ناس اسمعوا قصتي
شلت ايدي لجل فهم الدرس مو لجل حرشة غايتي
وجيتك مرة لو مرتين للغرفة
مرة توصفلي طريج الحل
مرة مدري اشجانت الوصفة
يا عيب العيب تحسبهة سوالف شوكَ ولهفة
خلفالله على الدلاك عايزهة بعد زفة
حرت انة يا هل وادم بين استادي والطالب
منمثلي على الصوبين دتحارب
بعت انة وشريت النوم ولاو فد يوم
اريد الناس ينسوني
اريدن تغمض جفوني
حيرانة الدرب دلوني
لا يوم اليمر يومي مو راح اشكَن هدومي
يا ربي شلون هلحيرة
جبيرة انة جبيرة وعدكم صغيرة

[وحدهم المشرفون لديهم صلاحيات معاينة هذه الصورة]

عاشت الايادي موضوع مميز

شكرا على الشعر الجميل و الروعة
تحياتي [وحدهم المشرفون لديهم صلاحيات معاينة هذه الصورة]

يسلمو يا وردة ع هالابداع والتميز الحلو تحياتي يا وردة

عاشت الايادي الروعه تحياتي الك نورس

عاشت اليادي ياراقي تقبل مروري
تحياتي

عاشت اليادي ياراقي تقبل مروري
تحياتي

تسلم نورس ودمت للمنتدى دوما
ولا تحرمنا من مواضيعك الحلوه

[وحدهم المشرفون لديهم صلاحيات معاينة هذه الصورة]
أين تتسكع السعادة .!!

يسلمووووووووووووو

[وحدهم المشرفون لديهم صلاحيات معاينة هذا الرابط]

يسلمووووووووووووو

[وحدهم المشرفون لديهم صلاحيات معاينة هذا الرابط]

شكرآ على الموضوع الجميل مع تحياتي لك

كلمات جميله عاشت الايادي

يسلموووو انشاء الله الابداع يوماا بعد يوم

يسلمــو علـى الـموووضوووع الجميــل

تقبــل مروري يا روعــة

يسسسسسسسسلموووووووووووووووووو

عذرا منك فقد كتبت ولم اكن ادري ماذا كتبت

قد اكون ابتعدت قليلا وربما اقتربت

ولكنها كلمات اوجدتها لحظة الصمت مع قراءة حروفك

حقيقة انت رائع جدا

بل تملك الابداع والتميز

فلك من قلبي كل الشكر

فان لم يكن ردي يليق

فغدا ان شاء الله اشراقة جديدة
في مكان ما وموضوع ما

سأحاول لعزفك مجاراة

علني اصل الى تلك الروعة وذاك الجمال

شكرا لك كل الشكر

عاشت الانامل عيوني
كلمات اكثر من رائعه
اتمنى لك الابداع والتالق الدائم في سماء راديو الحريه
تحيتي وودي

شكرا للذوق الجميل في اختيار كل ما هوة جميل وجديد
تحياتي

ينقل الى الارشيف السبب موضوع مخالف لقوانين القسم

» احلى الشعر مع نورس _قصة حب في الجامعة
» احلى الشعر مع نورس _قصة حب في الجامعة
» احلى الشعر مع نورس _قصة حب في الجامعة