الي يحب الريال يجي يضحك عله برشلونه بس شوفوهم خطيه؟؟

اليوم رحت لملعب الشعب

اشو شفت لمة صايرة كلت خير ان شاء الله

سألت واحد هناك گتله شصاير

گال اليوم بالتسعة بالليل الشرطه ويه برشلونه

فأكيد لازم اشوف اللعبه

علمو اضحك شويهه

اول شي بطاقة الدخول اكو حسب الطلب

للصغار ب 10$

للوسط ب 25$

للكبار ب 100$

واذا تريد يفصلولك بطاقة انطيهم الطول والعرض وهمة يسووهة

اني دخلت بدون ماادفع فلوس اصلاً

لان اول مشافوني همة نطوني فلوس
نياا

فرحت اني ساعة بال 5 العصر علمود اكعد يم الشباك
اقصد اكعد ليكدام

ضليت كاعده كلت بين ماتصير بالتسعة

خلي انام
فغفيت وحلمت احلام سعيدة بأنوا برشلونه حيخصرون 7-1 من الشرطه

طبعاً اني اتمنى يتحقق الحلم

صارت بالتسعة الة خمسة

بدوا يطلعون اللواعيب)

طبعاً اول مطلعوا بعدهم مبادين

نزلوا الجمهور مال الشرطه خطفوا ميسي وكلولهم منرجعه الة تنطونة فدية خمس كواله

كالوا البرشا عدنة احسن منة

الحكم طبعا من جماعتنة

اول مصوفر صافورة البداية

هية صافرة مال بداية

هية ضربة جزاء للشرطه

وطرد فيكتور فالديز

فأجةبينتوا بداله

جان يكول الحكم هاي الجزاء تنحسب جزائين لان صار بيهة تبديل كولجي

تكول ديلعبون بالفلكة مال ساحة الطيران

اول ضربة انضربت صدهة الكولجي

صوفر الحكم كال تسلل علبرشا تنعاد الضربة

المهم انضربت الضربتين

وثنيناتهم كول

فالحكم كال كل كولين كول مجاني

فصارت 0 - 3 للشرطه

الحكم راسا نهة الشوط الاول علمود ليجيبون كواله برشلونه

بالربع ساعة الاستراحة

طبعا اكيد طبوا يستريحيون طلعولهم الجماهير

واكلوهم طن كتل مصاير

بدة الشوط الثاني الحكم كال البرشا تأخرتوا ثانيتين هاي كولين للشرطه
ورة نص ساعه من الشوط الثاني

البرشلونين طكت عليهم عبوة

كاموا يلعبون لاعبين

وثنين جرحة

فيعني الشرطه كالوا خطية برشلونه

خلي نكول كول علة نفسنة هسة يكولون علينه احنة كاتليهم ومتفقين وية الحكم

كولوا كول علة نفسهم

الحكم كال ليش تكولون علة نفسكم

فكال والله ماانهي اللعبه اله الشرطه يجيبون 2

جابوا ثنين

فوراها الحكم نهة اللعبه

وخلصت اللعبه بفوزالشرطه 7 - 1

..

وان شاء الله ننتضر اللعبات الجديده

تحياتي علاء العراقي
هع هع

اموتن ع الريال واكره البرشا اهئ اهئ

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]
أين تتسكع السعادة .!!

ـيسلموـوـوـوـوـو
على الموضوع الجميل
والاكثر من رائع
دوم الابداع والتميز

أحزان قلبي لا تزول.....حتى أبشر بالقبول

وأرى كتابي باليمين.....وتقر عيني بالرسول

[ندعوك للتسجيل في المنتدى أو التعريف بنفسك لمعاينة هذه الصورة]

ههههههههههههههههههههه
والله ياعلاء هاي انتوالخسرانين
تحلمون نخسرنامووحلووو

[ندعوك للتسجيل في المنتدى أو التعريف بنفسك لمعاينة هذا الرابط]

» شوفو برشلونه خطيه والله هسه اني ميت من الضحك عليهم!!!
» خطيه تعلو وشوفو الحبيب شيسوي من يروح
» الي ماعنده شي خلي يجي يضحك