ان شاء الله تعجبكم
أمحيك من دفتري ومن كل سطر امحيك
ارجع وادور الگلب بأول سطر الگيك
مشكلتي احبك صدك ولا اكدر انه انساك
صرت انت گلبي الوفي وصرت انه عايش بيك
صرت انت كلمة شعر وگلبي يتغزل بيك
وصرت انت دولة وعلم وانه احرسك واحميك
خلك حبيب العمر ياوردتي خليك
ولا تنسى شاعر محب كل همه بس يرضيك
........................
ماعوفك ابد ماخذ عهد ع الروح
وقابل لو حطب للنار ترميني
اتنفس هواك بزحمة الدخان
واگولن هم يحن گلبك يطفيني
مو ثوب وينزعك جسمي حتى ارتاح
ولا كل يوم طبعي بثوب تلگيني
مادور گمت عزة نفس وياك
بس ينجاب طاري اسمك يبچيني
........................
اذا شفت السمانه حدود تلگه لغرامك حد
واذا عديت نجم الليل اذن حبي الك ينعد
انت النور لبعيني وعيني بغيبتك تنسد
ليلي انت وبحر عمري وانت الجزر وانت المد
وعمري بنظرة عيونك ربيع ودايم يغرد
واذا غبت عن عيوني تظلم دنيتي وتسود
بدونك ليلي شيخلصة وجروحي فلا تنسد
احبك گد رمال الكاع
احبك گد ما اكو گد
عدد ماهلت عيوني
وعدد گلبي اتنهد
عدد ماصلت العالم
وعدد ما هلبشر تسجد
اريد اكفر واگولن الك انت القبلة والمعبد
........................
راح اوديلك عواطف باحترام
وراح اخلي العين لاجلك ماتنام
انت يلطبعك صراحة ومابدر منك خصام
انت تحمل گلب طيب بيه محبه وبيه غرام
ما اوصفك بلحجي لو خلص كل الكلام
واني اخر ما اگلك اني احبك والسلام
........................
وين ما امشي اشوفنك خيال
وبيا درب امشي احسك بلدرب
كون المك وبحجم گبي تصير
حتى اذب گبي وتصير انت الگلب