رهمتك

رهمتك علي بس مارهمت وياي انت الماردت شتريد اسويلك عاشرتك نجم من جان عمرك ليل
اذوب واشتعل حته ابقه اضويلك
من طلعت شمس خط رجعه ماخليت ماجازيتني لمن خلص ليلك
باقيلك اني وعشق بالروح ومرقد للمحبه بروحي بانيلك
ردت منك مراد خذت مني مراد وعلق بالروح شايلهن زناجيلك وانذرلك جنت وافتر واحني الباب هسه تهدمت ياباب احنيلك
امانه سرار عمري وبيها ماوصيك
ياشياج ذنوبك صاحن دخيلك
وبكيفك بعد تصون الامانه ؟تخون؟
مااكدر بعد اغفر وادعيلك
واعديلك مابينك وبيني
عشت هاي.....وهاي
مره ابجي على طبعك مره اغنيلك
وبدلالك جن بالطفل جرح جبير
اشد الجرح بيد وبيد الوليلك
لاتنصف عدل لاترضه بالمقسوم
تاخذ حصتي ومن حصتي انطيلك
انت الوزعت والفرح سهمك صار
من سهم الحزن يافرح اوديلك
جبتها وياك شعره وعاقل ومجنون
كل ساعه ونجرها واني ارخيلك
شلي بهل عمر والعمر وشله كاس
من كاس العمر جم دوب ابديلك
راح اصير بدونك وارهم بلياك
واذبح رمش عيني الجان يبجيلك واتحمل العذاب والبعد والشوق ومااحط صورتك كدامي واشكيلك
ماكلك نسيتك بس الجرح بالروح يكسر ولهتي ومايقبل احجيلك
عيني الشالتك كتلها اشيلج راح
كالتلي شيلني وماقبل تشيلك
وجرحي الفاك صدره وماراد خياط جنه واحد رايد يدعيلك
بس مجبور ادفنك واعيش بلياك واقره الفاتحه والوحشه اصليلك
بعيوني الحزن يقرون اليواسون ولفوق الحزن لو تدري شحجيلك
شمات الاجو واسوني ثالث يوم
حيل بيك كالو مدري شد حيلك
وكالو مو حلو ثوب الطويل الحيل واليقصر بعد لاتظن يكفيلك

يسلمووووو موضوع رائع عاشت الايادي

يسلم احساسك


كلمات ذوق
الله يعطيك العافية
بما قدمتي

دمتي بهذا الذوق


تحياتي الك يا ورده


المايسترو

موضوع فعلا حلو وكلام جدا جميل
تحياتي عيني

شكرا على الردود الجميله تقبلو تحياتي

يسلم الذوق الرفيع في اختيار الكلمات
تحياتي

[color:9500=viol et] سلمت يالغالي على روعه طرحك
نترقب المزيد من جديدك الرائع
دمت ودام لنا روعه مواضيعك