تريد انساك

تريد أنساك ؟؟؟

تريد انساك ؟ چا عاوني انساك .......... بشرط كون انته
تظمن انسه طاريك

حلفت ما احجي بيك گبال هلناس .......... گمت چي چذبوني
وحلفت بيك

أراويك الفرح رغم انه بالظيم .......... وانته الفرحه
وتگلي شراويك

كروه لگلبي ادزك جوه بالروح .......... وأگلك گلي تعبانه
كراويك

بدي الماي اعدمه اليلمس شفاك .......... وبدي لساني اگطعه
چي يحاچيك

الهوه لو مر عليه اتعارك ويا ............ ونته بصفي خاطر
لا يمر بيك

اخاف عليك حته من الوه الهاب
.......... وأخافن حته من ايدك عله ايديك

وأغار عليك من الغيره لتغار .......... وتغار الغيره مني
الغارت عليك

زعلني وأگلك انه غلطان ............ وأحب زعلك لأن چي بي
اراضيك

ولأن انته قوي وتفرح من تفوز ............ لذلك انه احبنه
رهانك

لسان الغير اگطعه لو غلط يوم ............ وأذا تغلط اگلك
صح لسانك

بست فد مره كرسي وضحكو الناس ............ تخبلو من درو
هذا مكانك

شلون انساك ونته انه يمحبوب ............ وأذا انساك
معناهه انسه آنه

گلت ماروح يمك خاطر انساك ............ شفت يمك تعنه وهوه
اجانه

شفت انه مكانك درت هلعين ............ حچه وگلي تعال انه
مكانه

عبرت گلنه نغمك بلكت تروح ............ أشو غمتنه صارت
امدانه

يسلموووو موضوع روعة عاشت الايادي

يسلموووووو ع الرد الجميل

منورة يا راقية شكرا للاختيار الرائع للقصائد
تحياتي