روح براحتك لو عني ردت اتروح

روح براحتك لو عني ردت اتروح
علي لتخاف .. اعذرك ماتحاجيني

بس وياك اخذ عيني التهل ادموع
ومن تشتاگلي بس باوع العيني

گلب الحب رسمته بجف يسرتي وهاك
شوف اسمك كتبته بشوگي بيميني

بنص درب العشگ شو تيهتني شبيك
تدليني گلت لعد ما تدلّيني

اليذكروني عفتهم لجل شوگي وياك
واني اتذكّرك وانت الي ناسيني

ضحّكتك لمن جار الزمان عليك
حرام عليك تتعمّد تبجيني

بايعني برخص واني بغلاة اشريك
مو انت الگلت بالروح تشريني

صرتلك كلّي شمعه ونوّرتلك دوم
عگب ما خلّصتلك نور عشريني

بعد ما گلت آه ودرت وجهك ليش
لإن طرواك گتلك ضل يداويني

ولإن گتلك ضواي ونور عيني اتصير
تريد اتروح عنّي اتريد تعميني

روح وداعت الله بس اگلك ها
الي رب ٍ كريم الصبر ينطيني

شكرا كوران عالكلام الجميل
تحياتي الك يا عيوني

يسلمووو موضوع روعة
عاشت الايادي

هلو كوران شكرا للموضوع الرائع
تحياتي