حُورِيَه أنْتِ مَا مِنْ بَشَرْ

حُوريَّة أنْتِ مَا مِنْ بَشَرْ


حَبْيتَكْ بأوَّل نَظَرْ وﺇنْطَاكْ الگلُبْ مِفْتَاحَه


وبْحُبَكْ ﺇحْتَارْ الْفِكرْ وسْلبتِ مني الرَّاحَة


يا وَرْدَه يا أجْمَلْ عِطرْ بِكُلْ الْدَرُبْ فَوَّاحَة


لِعْيُونِكْ أكْتُبْ شِعرْ وأرْسِمكْ أجْمَلْ وَاحَة


لَوْ صِرتِ أنتِ الْبَحَرْ بَسْ أني إِلِكْ سَبَّاحَه


بِطولَه يُبْهرني الشَّعرْ وَيزهِي لَونْ وشَاحَه


وبْشَعْرِكْ تُغَطي الْخصر وطَيْبَه حبيبي أرْيَاحَه


يَا عُمْرِي أمُوتْ مِنْ القَهَرْ لوْ لَحْظَه مَا مِرْتَاحَة


أنْتَظْرِكْ اليوم العَصِرْ يَلْ غِبْتِ عنِّي البَارْحَة


مَا أريدْ مِنِّكْ أي عُذُرْ حَبِيبِي أحْكِي بِصَرَاحَة


و بْيُومْ طَوَّلتِ السَّفَرْ خلِّيتي ليلِي منَاحَة


وعْيُونِي ذَبْلهَة السَّهَرْ وبْذَرْفِ الدَّمِعْ صَبَّاحَه


كَافِي مَلِّيتْ الهَجِرْ وﮔلْبِي تَعَبْ بِصْيَاحَه


ومِنْ دُونِكْ ﺁنَه أَعْتَبرْ نُورْ وهِجَرْ مِصْبَاحَه


وبْنَظْرَة عُيُونَكْ سِحِرْ تُكْتِلْ كَتِلْ ذَ بَّاحة


حُوريَّه أنْتِ مَا مِنْ بَشَرْ وخْدُودِكْ شَبَه تُفَّاحَة


حَبِيبِي يَا أحْلَى السُّمُرْ و طِيبِة بِنِتْ فَلاحَة


من بُعْدِكْ ﮔلبي يَنْكَسِرْ وبْقُرْبَكْ يَغَالي إصْلاحَه


حَبيبِي لَوْ بِيَّه تُمُرْ بيومي ترِدْ أفْرَاحَه


وأحْزَانِي أَنْثُرْهِنْ نَثُرْ ويضَمِّدْ ﮔلْبِي جرَاحَه


تدْرِي أنتَ بِحُبَكْ أنْجُبُرْ قَلَمْ وَيُحِبْ مِسَّاحَة


بَسْ إلَكْ أَفْتَحْ الصْدِرْ وأضُمَك وَسَطْ ألْوَاحَه


بِفْرَاﮔكْ خَلصتْ الصَبُرْ طيِرْ ومْكَسَّره جِنَاحَه


بِدُونِكْ مَا يِسْوَى العُمُرْ يَا زَهْرَة وَرِدْ قَدَّاحة


بِعْيُونِكْ الحِلْوَة الخُضُرْ تَحْتَلْ ﮔلبي تَجْتَاحَه


وِبْسُرْعَة أَسَلِّم لِلأمُرْ واﻠﮔﻠﺏْ عَافْ سلاحَه


خَلْ ﮔلبِي عِنْدَكْ بِالأسِرْ لا تَطْلِقْ أنْتَ سْرَاحَه


حُبَكْ حُبْ أرضْ ومُطَرْ وَ حُبْ الكُرَه والْسَاحَة


عَلْ مَوْعِدْ اليُومْ أنْتُظرْ ونْكُونْ بْسَفَرْ وسْيَاحَة

يسلمووو موضوع روعة

منور خي تقبل مروري
تحياتي