ظلمتك ياحبيبي وماجنت ادري

يمكن لو متت وتشوف نعشي نشال ***** تتندم علية ودمعتك تجري
وكل حجي الغرام الما حجيتة بيوم ***** تحجيه بحزن من توصل لكبري
يمكن لو متت تشعر خسرت انسان ***** باع العمر ويسميك يا عمري
ويمكن لو متت كلبك يحن ويلين ***** وتحس انت ظلمتني وسببت قهري
واظن كلمة حبيبي لما كلتها بيوم ***** يم كبري ترددها بدمع يجري
وتصيح اااااااه جنت وياك غلطان ***** ظلمتك يا حبيبي وما جنت ادري
وما جنت ادري عني تروح تغيب ***** ويظل بغيبتك جمر الكلب يسري
يمكن لو متت تحسر لفركاي ***** وتسهر ليلك وتذكر هضم سهري
وتبجي دموم من تشتاك الي يهواي ***** مثل ما جنت الك اشتاك يا فجري
يمكن لو متت منك اظل مقهور ***** لانك بالعشك هيجت كل جمري

يمكن لو متت وكلمة انة اهواك ***** ما صوتك يسجلها بوسط فكري
راح ازعل عليك وحيل اظل مهموم ***** واغيب واندفن والكلب متذري
وساعتها بعد ما تنفعك اعذار ***** ولا ينفع تنادي اقبل بعذري
ولا ينفع تلوم بنفسك وبالروح ***** لانك عذبتي وخلصت صبري
ويمكن لو متت ما تلكة بين الناس ***** أي واحد يحبك مثلي يا عمري
ويمكن لو متت ما تلكة مثلي انسان ***** بسلوبي يغازل رمشك الخمري
ويمكن لو متت تكضي العكر بردان ***** وما تلكة احن وادفة من صدري
ويمكن لو متت العشك يلعب بيك ***** واشواكي تكلها لروحك تحسري
ويمكن لو متت وطيوفي مرت بيك ***** من تغيب تركض تصرخ انتظري
يمكن لو متت روحك تحن يفلان ***** وحبيبك راح المن تهتف اصطبري
ويمكن لو متت تلمس اذى الهحجران ***** وتحس شسببتلي هموم من هجري
ويمكن لو متت وتحس بعد ما عود ***** تتندم علية ودمعتك تجـــــــري

يسلمو عاشت الايادي تحياتي

زائر

[وحدهم المشرفون لديهم صلاحيات معاينة هذه الصورة]

شكــــــــرا جزيــــــــلا
عــــــلــــى الموضــــــــوع
الجميـــــــــل و الروعــــــــة

و عاشــــــــت الايـــــــــــادي يا غاليــــــــــن
بل الانتظــــــــــار الجديــــــد

و المفيـــــــــــد منـــــــــــكم
تحيـــــــــــاتي و احتــــــــــرامـــــــي

منورة خيتو ريومة مواضيعك واختياراتك جميلة تحياتي

يسلموووووووووووو
[وحدهم المشرفون لديهم صلاحيات معاينة هذه الصورة]

مووضوع رووعه يسلموو ريموووو