شجاني او من جديد انوب حبيّت

شجاني او من جديد انوب حبيّت

جنت عاقل ، واكيد اوياك جنيّت

تبت توبه نصوحه امن العشك دوم

او على فيض المشاعر حرس خليّت

إقفلت كلبي قفل مرعوب وبليل

عجيبه اشلون كلي الكلبي طبيّت

للعشرين جن ارجعت وياك

او جن كبلك ولا فد يوم حبيّت

على رموشك كحل ، من حزن ودموع

او على وركة خريفي افراح نديّت

ياعين التشيلك يا شمس آب

اشيلنّك جمر لو الك صديّت

فداك الراح كله ، او انذر الجاي

او عمت عينه اليكلك يوم ضحيّت

يا آخر ملاذ ابشحة الطيب

او بيت انته او فداك ايروح كل بيت

تمنيتك تجي ، ابأول اللجمات

واشكد احلمت بيك او تمنيت

لو تدري فرحتي ابجيتك هاي

او لو تدري اشجبت وياك من جيت

جبت بسمه لشفافي العطشن اسنين

والف جرح ابجرح بالروح داويت

كلي اذنوب ادري ، او روحك ايمام

نزعت الماضي وابيض كلب طبيت

ومن نور البروحك شاهت العين

او كبل ما طوف بعيونك تحفيت

اعيشك لحظة لحظة او اشكي الفراك

انت وياي كلك وآنه سليّت

ريتك تبقى كتلك ، ريتك اوياي

او كلشي البيك اسمعه ايكول ياريت

كبلك ما عشت ، موعمر محسوب

خشبة كنطرة او للدوس ظليت

الله الله الله
والله روعة

يسلمو مرورك الحلو حمودي الورد

الله عله مرورك يا استاذ
الشعر الشعبي حلو اكيد
واحمد الله لان حبيته تحياتي الك وردة

روائع من روائع كوران
تحياتي الك يالغالي

شكرا كوران
دوم الابداعانشاء الله
تسلم عيني

قصيدة حلوة .

تحياتي أشرف علي ملك الرياضة ...

[وحدهم المشرفون لديهم صلاحيات معاينة هذه الصورة]
على الموضوع الجميل و الروعة
كلام جميل
تحياتي تقبل مروري

يسلمو مرورج يا نبا

يسلمو مرورج يا ذكرى تحياتي

يسلمو مرورك يا اشرف تحياتي

يسلمو مرورك يا حسن تحياتي

عاشت اليادي ياراقي تقبل مروري
تحياتي

يسلمووو موضوع روعة عاشت الايادي

شكرا للاختيار المميز
تقبل مروري
تحياتي