ماريدك تستغرب إذا كلت مااريدك

ماريدك تستغرب إذا كلت مااريدك

كلبي من اللي صار غير كلامه

تدري ليش جيتك يوم الاناديك ؟

جيت اودعك واكلك معا السلامه

راح اودعك وانسى زمانك وماضيك

ووداعك من داخلي ونسى الجفا والملامه

لكن , ودي أسألك قبل ما اخليك

واريدك تنطي للسؤال إهتمامه

بالله بذمتك , وشلون غيرتني بيك !

وخليتني استغرب غلاك ونظامه ؟

واني الخاطرك كل ما تطلب يجيك

رفعتلك هامه ونزلت هامه

مابقى شي الك في داخلي يبجيك

صدري كبَر كل الحواس بعظامه

اغليك ! صح , اني اشهد إني جنت اغليك

واليوم راس المال منك السلامه

لا تكول ليه ؟ وكيف ؟ وشلون ؟ وشبيك ؟

ماضيك ينطيني لباجر علامه

ماظني تضيع حياتي بأياديك

دام كل من عزك تنزل مقامه

غلاك ماعلمك تكسر كلب غاليك ؟

وغلاي اثبتلي الوفا والشهامه

كافي نضيع وكتنا في بلاويك

ما يرجع اللي راح كثر الندامه

وإن ضاكت الدنيا بزحمة طواريك

الليل الاسود مايطول ظلامه

واليوم تعرف ليش اني كلت (مااريدك)

وكلب ٍ اليحبك ليش غير كلامه

ودعتك بسلامة لاتجيني ولا أجيك

ولاعاد تسأل خاطري شنو علامه

ولا تنصدم من بسمتي يوم احاجيك

مرات تلكا بالجريح إبتسامه !

يسلمووو موضوع روعة عاشت الايادي

سكون الليل اشكرج على اطلاعج لكل ماكتب

اتمنى يعجبكم كلشي الاكتبة تحياتي الج ياورده
[وحدهم المشرفون لديهم صلاحيات معاينة هذه الصورة]

يسلموو عيوني وانشاء الله
التالق اكثر واكثر ياورد
عاشــــت الايادي
تقبــل مروري
تحــــــياتي
العازف

يسلموو عيوني وانشاء الله
التالق اكثر واكثر ياورد
عاشــــت الايادي
تقبــل مروري
تحــــــياتي
العازف

» ماريدك بعد خليني مرتاح
» (ماريدك بعد خليني مرتاح)
» ماريدك بعد خليني مرتاح