بعد لاتسال عليه

[size=12]بعد لا تسال علية...وبعد ما اسال عليك
بعد مالك غرض بية ...وبعد مالي غرض بيك
بعد ايدك عن ادية ...مو قليل الصار بية
انتة من ايدك جبتها ... سوالفك عمت علية
انت مو يمي احسك ... مايهمك غير نفسك
انت مو مثلي تعاني ...ما تحبني انت اناني
ماكو داعي وياك ابقى...يجوز عندك محب ثاني
ماكو داعي المن اجيك...بعد مالي غرض بيك
اعترف جنت انا احبك ...وسهرت لجلك ليالي
ردت احط كلبي على كلبك ...لجن كلبك طلع خالي
انا دايخ بيك اهمن ... وانت جدا لا ابالي
كلبي من عرقة شلعتة...عود شايف روحك انتة
اكو واجد من حلاتك ...وبيهم احلى من صفاتك
صح حلو وتخبل انتة ...وهوة مو كل حلو زين
روحي تشبك على روحك...وفرق عن شبك الادين
بشوفتك خلصت عيني ... وكمت احس ماعندي عين
وياك ابقى مستحيل ... لازم اختار البديل
اذا لازم انسحب ... بلكي اشوفلي محب
وانتة بلكي تشوف غيري... وتنسعد يابن الحلال
وبلكي تدخل قفص ثاني...وتشوف بية راحة البال
راح اكلك روح عني ...وبعد ما اكلك تعال
ماكو داعي نضل سوية ... مو شبعنة من الاذية
الدنيا بيها هواي غيري... الدنيا مليانة شباب
يل جنت حاضر بكلبي ... تسجلت وي الغياب
شوف حالك وستراح ... كافي خل ننسة الجراح
كافي رحمة لوالديك ... اللة لا يرضى عليك
بعد مالك غرض بية ... وبعد مالي غرض بيك [/size]

عاشت الايادي قصيده روعه

مشكوره حياتي على مرورج المعطر [وحدهم المشرفون لديهم صلاحيات معاينة هذه الصورة]

يسلمووو موضوع جميلل

مرحبا عزيزي شكرا للكلام الجميل
تقبل مروري
تحياتي

زائر

[وحدهم المشرفون لديهم صلاحيات معاينة هذه الصورة]

عاشت الايادي

ياوردة موضوع روعة

تحــــــــــــــياتـــــــــــــــتي

[وحدهم المشرفون لديهم صلاحيات معاينة هذا الرابط]

سلمت اناملك كلمات جميلة
ولكن الخط صغير جدا
تحياتي لك