مجبور احبك

موضوع: مجبور احبك الثلاثاء يوليو 13, 2010 2:36 pm

كل كلمه تسولف عنك وعني
وكل همسه التصل منك تذوبني
يبستان الورد ومحمر الخدين
على بابك غصب رجليه جابني
أكتبلك قوافي وأجمل الأوزان
أصحه وألگه شعري بيك يكتبني
نثر ليلي نجومه بدربك متانيك
يهل حسنك بدر يجمعها ويغني
يغار الفجر منك من ضوه خدودك
حتى ألجوري عنك دوم يسألني
أخاف تروح عني ويبقه عمري عليك
بس أسنين تغفه بحســرتي أو وني
وأخاف تروح عني وگلبي طگ بركان
يذوبني ودمعــــــــي ينگلب حني
رهني حسنك ومجبور احبك موت
ومدري ليش حسنك دوم يجبرني ؟
ما مليت حبك حتى بأصعب الحالات
وأخاف تدور بيه الدنيا وتملني
يلي بعيد عني وبس صدى صوتك
على جنح الهوى مرات يوصلني
انه المكسور خاطر ما تحن يفلان
يا هلبت حنانك مـــــــره جَبرني
أنه المحروگ گلبي وأحسب الساعات
ولهيبك ماطفه لســــــــــــاع حارگني
تســـــــــالني أحبك ليش يا عمري
إذا تعرف جوابه ليش تســــــــألني
أنت النفس بالريه ونبض شريان
وحبيبي وخاطري وأحساسي وظني
يا أجمل قصيده عيونك الحلوات
وشفافك الميمر بالوفه تغني
وفاي وياك شط وحاضن الجرفين
وحبك طيف ما ليله يفارگني
أباريلك وأخاف عليك من روحي
يطگ بيها الصبر والغيره تاخذني
وتدري من الهوى يا روحي أغار عليك
لو لاعب گـــذلتك أنگلب جـــــني
الگاك بوريدي لو ادورك يوم
وبدرب الصبر والحيره شاتلني
تعبت هواي يالمزيون ما ترحم
يوم ألقيامه هواك يرحمني؟؟

يسلمووو موضوع جميلل

موضوع: رد: مجبور احبك الخميس يوليو 15, 2010 6:36 am

يسلموو عيوني وانشاء الله
التالق اكثر واكثر ياورد
عاشــــت الايادي
تقبــل مروري
تحــــــياتي
العازف

موضوع: رد: مجبور احبك الجمعة يوليو 16, 2010 6:50 am

يسلمووو موضوع جميل عاشت الايادي

[وحدهم المشرفون لديهم صلاحيات معاينة هذا الرابط]

زائر

[وحدهم المشرفون لديهم صلاحيات معاينة هذه الصورة]

موضوع: رد: مجبور احبك السبت يوليو 17, 2010 10:41 pm

شكــــــــرا جزيــــــــلا
عــــــلــــى الموضــــــــوع
الجميـــــــــل و الروعــــــــة

و عاشــــــــت الايـــــــــــادي يا غاليــــــــــن
بل الانتظــــــــــار الجديــــــد

و المفيـــــــــــد منـــــــــــكم
تحيـــــــــــاتي و احتــــــــــرامـــــــي

موضوع: رد: مجبور احبك الإثنين يوليو 26, 2010 5:47 pm

شكرا للابداع المتواصل يا صاحب الذوق الرفيع تحياتي
تقبل مروري