بعدك حاير ويه النساك وراح؟؟

بعدك حاير انت ويه النساك وراح
شسويلك اذا كلبك رفض ينسه

عفتك انه عفتك ما اريد وياك
ضل فكر بعد بالفكر بنفسه

حبيبك هذا الاول مو سهل تنساه
ولا تكدر تقاوم شكله لو حسه

احسنك تذوب كباله من يفوت
مثل احساسك احنه كبالك انحسه

نعم طيب كلب جان وحنين وياك
وجنت اتخاف لو تسمه فقط همسه

لمسات الحزن بعيونك امبينات
ماريد انه اضيف النوب الك لمسه

اريد الخير الك ماريد مني تضوج
وألك غفله وخذاني الشوك مثل الروج

اريد انه اعترف والله وغلطت وياك
انه استعجلت من عندي كل الصوج

غلطة عمري صارت يوم الك حبيت
وجيتك مندفع ياريت الك ماجيت

شسوي الكلبي طار وحط عليك بساع
اجيت انه ارد الزمه كبالك توفيت

صرت ميت واحبك يافشلتي وياك
حسبالي تحبني شبييه ماحسيت

ضنيتك نسيت العافك من اسنين
ولكيتك تفكر بيه ماتنسه

خسران انته حبه وانه هم خسران
وبس هو الربح وي غيرك بعرسه

عفتك انه عفتك ما اريد وياك
دضل فكر بعد بالفكر بنفسه .

شكرررا مالك تحياتي الك يا ورده تحياتي

يسلمووو موضوع جميلل

يسلموو عيوني وانشاء الله
التالق اكثر واكثر يارود
تقبل مروري
تحــــــياتي
العازف

شكــــــــرا جزيــــــــلا
عــــــلــــى الموضــــــــوع
الجميـــــــــل و الروعــــــــة

و عاشــــــــت الايـــــــــــادي يا غاليــــــــــن
بل الانتظــــــــــار الجديــــــد

و المفيـــــــــــد منـــــــــــكم
تحيـــــــــــاتي و احتــــــــــرامـــــــي

يا مرحبا عزيزي تحياتي لحظرتك يسلمو على الكلام الجميل والموضوع الاجمل
تحياتي