ابوذيااات 2000 وهسة هههههههه

حبيبي شلون ماحبك... ولا بيك
وأمك ماتحن مثلي... ولا بيك
عساهن بيه لوعاتك... ولا بيك
وأحوّل كل الم منك اليه
********

حبيبي آنه احبك فدوه... بس مر
لأن حبك بنص الكلب... بسمر
صحيح انت حلو ياترف... بسمر
تمرمر كلي من تمر عليه
********
شجاك ومنشدت عني ... وانا سال
وكلها تشافت جروحك... وانا سال
اشوفن دمعتك نشفت... وانا سال
دمعي على الخدين واحركهن اليه
********


شوكت من الحقد كلبك... تعله
واظن حالف على كلبي... تعله
عليه الدوني يادهري... تعله
اريد اعرف سبب هاي الاذيه
********
حسافه العمر دونك... ياهوانه
ياعشكنه ياحجينه... ياهوانه
دخيل الله انت كلي... ياهو آنه
وهويتك ليش وشجابك عليه
********
احبك واعتذر منك... وناسف
جمال ابروحك مغربل... وناسف
احط بروحي تي ان تي... وناسف
وافجر روحي اذا تزعل عليه
********

حبيبي ليش عني تصد و... تمِل
وردت وياك اكضي العمر ولا... تمل
لو ادري بعشرتك شهر و... تمل
فلا والله جعلتك ولف ليه
********
افتك من هواك شلون... شفتك
وعلي طفر عسل من حجت... شفتك
طحت كلي على كلي بيوم... شفتك
دجرني مو طحت كلي عليه
********

ترف عشرين عمرك... ماتعده
واذا كلبي هجرته... مات عده
تعدلي هواي لاجن... ماتعده
ذنبك من طحت تضحك عليه
********
قلبي انت ملكته... وانت حر بيه
عليل وطبي عندك... وانت حر بيه
كاس السم اشربه... وانتحر بيه
اذا غيرك يمس اطراف ايديه
********
لتظن نار كلبي عليك... تبرد
وبعد كل الحجيته وياك... تبي رد
شوكت ماجيك بالسجين... تبرد
دهاك اذبحني هو شظال بيه؟؟!!

يسلمو كلملت جميلة

منور حبي سكووووووون

يسلموووووووووووووووووووووووووو تحياتي يا وردة

يسلمووووووووووووو عازف موضوع روعه تحياتي [وحدهم المشرفون لديهم صلاحيات معاينة هذه الصورة]

يسلموووو على الموضوعے الجميلے

نريد منكے الاكثر والتقدمے الى الافضلے

فيے مواضيعكے الاكثر من رائعهے
__________________
.............

رررررروعة شكرا وعاشت الايادي

عودتنا على تميزك فدمت مميزا دوما بأسلوبك الراقي وطرحك الرائع
تقبل مروري . . . والله يوفقك دنيا واخره يارب