حبيتك صدك ... معقوله ما حسّيت !!!

حبيتك صدك ... معقوله ما حسّيت
وآنه الجنت اظنّك تدري وتحبني
طلع كلبك اناني ويه أني أنغرّيت
ما وفّه لمحَبتي وبالعجل ذبني
وحيد بلا حبيب ولا عشك ضلّيت
شجره بلايه ميّ ولا شمس جنّي
صلب مثل الجبل بالشدّه منهزّيت
بس بُعدك عليه بهالوكت هزني
حيّرني الزمان وبيك أنه أحتاريت
وجن بيك الزمن رايد يعذبني
نطرت محبتك والهه شكثر تانيت
لحظات العشك وياك نستني

جنت ليّه الاهل انت وجنتلي البيت
وبس انت الجنت بالدنيا عاجبني
وجنت انت التذوّب قلبي لو عدّيت
وأطيحن لو عيونك مرّه تنظرني
جم مرّه الوكت يجرحني متأذيت
بس زعلك عليه الجان يألمني
بشر غيرك أبد بكليبي ما حطيّت
وكل واحد بعد بالدنيا ما همني
جنت بعيني ليلى وجنت الي جوليت
وجنت آنه قيس وروميو بذنّي
وصرت كبالي عبله ووالله لو مرّيت
اصيرن عنتره وابن امه اليكظني
شجاك تغيرت وبروحي ما خليت
بس حسره ودمع وجروح أذتني
وشجاك تغيّرت صدكني ما ظنيت
تنساني بسهوله وتبتعد عني
أشتريت محبّتك بالغالي كلّي شلون
فلس ونص محبتك هسه باعتني
يا ذنب الجنيته وكلي انه شسويت
حتى انت بعذابي لوحدي تتركني
قلبك هذا قلبك لو حجر سجيل
حالك والله والعباس صفنّي
جنت آنه الحبيب الما يزيحه الكون
واحد هسّه زاحه شلون فهمني
تمشي كبالي تضحك منشرح وياه

ما عندك قصد كل قصدك تغثني
مو صوجك ابد لا بيه كل الصوج
قلبي بهالمواقف هوّه اليحطني
صح آنه انجرح بس الجرح استاذ
قاسي بشرحه لكن درسه علمني
تعلمت ابقى صادق بالعشك للدوم
ومنه اصنع تجارب خبره تكسبني
روح خطيه انت ولا تظن بيوم
تعرف شنهو حُب وتمسي متهنّي
ما تكدر تحب تايه تظل حيران
وقلبك ما يدك فد يوم صدكنّي
وما تعرف بعد محبوب مثلي يصير
واذا واحد يصح لك مثلي عاتبني
خمس سنين احبك تالي هذا الصار
طول المده وانت بحبي خادعني
آنه اتكنّسلت هذا الغشيم شلون
اذا ما عفته بعد اسبوع خابرني


تحياتي

__________________

يسلمو ع المرور
تحياتي

يسلمووووووووو

يسلمووووووووووووووو

يسلمووو على المرور
تحياتي

شكرا يا غالي عاشت ايدك الموضووع روعة
تقبل مروري

يسلمووو ع المرور
تحياتي

يسلمووو موضوع روعة عاشت الايادي

روووووووووووووووووووووعه

كلمات روعــــــــــــــــــه عاشت الايادي

حمودي على الموضوع وعاش ذوق لختيارك للقصيده

منور المنتدى بكلامك خيي
تحياتي