احلى ابوذيات_تغيب الروح بغيابك واردها

تغيب الروح بغيابك واردها
كتاب جفاك من عندك وردها
روحي بفركتك يذبل وردها
شمس انت وتنور الدرب ليه

تلوعنة وشفنه كل حلاوتهم ومرهم
والروح تمشي على طوعهم وأمرهم
حبيبي دوه لجروحي ومرهم
تمنيته يجي ويحن عليه

همت وانسلب عكلي وزاد مرضاي
على المر ماشفت شخصة مر ضاي
لون بات الترف بحشاي مرضاي
لكه اكرب يهل مبعد علية

بسك لا تضل تشكي بهاماك
وتلوم العين وتعضعض بهاماك
اخذ طبع النخل وارفع بهاماك
واذا بالطين عركك هاي هية

لو ردت الحبيب اتشوفه ينشــــــاف
وطيبلك جرح بضــــــــماده ينشـاف
اخبرك بل حبيب اشلون ينشـــــــاف
بس ضيف الاميل وهاي هيــــه

سماح اطلب انا المنكم وهدنــــه
كمش بيد التعورنه وهدنــــــــه
جبل راكَع خجل جيتك وهدنـــــــه
اصير اتراب ونته اسحكَ عليه

وحك رمضان وأشرافه وكتبه
عليك يهل دمع عيني وكتبه
انه شماريد أهم خطك واكتبه
شدهني جفاك من غصبن عليه

وحگ اعيونك ورسمك وداعك
وحگ جلماتك الحلوه وداعك
يصاحب فرهَد ابروحي وداعك
انتلف ثلثين والباقي باذيه

عجب خلخال ساكك مايرنش
جبح ودموع عينك مايرنش
يرن منك مصايب مايرنش
كرهتك لوحياة تصير اليه

تعال اسمع ون النايات وون عود
يخويه امشي نرد للوطن ونعود
اذا باجر متت بالغربه ون عود
وتظل ابعيد عن ارض الوطيه

روحي من الهجر عجزت ولابت
حلفت بدار ماأنزل ولا بيت
ذكرك مابقى ب***ي ولا بد
انكطعت من كطعت الوصل بية

تلوج الروح ياأحبــابي وراكم
وعجاج الضعن سد عيني وراكَم
يدمرني الحلم بيكم وراكم
ويريت الحلم واليقــضه سويه.

وسط گلبي يظل طابع وسمهه
عسل صافي حلو مرهاوسمهه
صفيت متيه باسمي وسمهه
لان هيه النجم واني الثريه

الدنيا خلافك وحشه ومره
ولا منك بعد جيه ومره
صورك مره اضمنها ومره
اشوفنها توج نيران بيه

احبة وما احب واحد بدالة
وياذنب البدة مني وبدالة
الك منصوب بكليبي بدالة
خطك على النبض يشتغل بية

لان ماريــــــــد اشوفك يوم حزني
وتدري ابسيف هجرك ولك حزني
كلبك انت وحـــــــدك الي حزني
و (حيازه وحمل) سلمتك بديه
---------------------------
لو راسا تكلي ارجــوك هدنه
وتعاركني وتــريد انوب هدنه
ولك والله العشك وياك هدنه
مريض انه تعال اسال عليه
---------------------------
لو مره تمــــــــــر مثل الشماته
وانا لنحرك يالاسمـر وك شماته
ولك مغــــــرور كالولي بشماته
صحيح ابشامتك تنغر عليه ؟
------------------------------
لــــــــو تذكر رباي وياك والعن
ولا تنغر على اللي بيك والعن
فرضنا لــــو اسبك حيل والعن
مريض انه تعال اسال عليه
---------------------------

لـــــــو تعرفني احبك واشتمنك
ولان منطي للواشي وشتمنك
اريـــــد اليوم احضنك واشتمنك
واشوفك هم تذب روحك عليه
-------------------------
وشوف اشلون حالي منتسلني
ولكن سيف صــــدك منتسلني
الدمع يغلــب جوابي منتسلتي
اضحك بالجذب غصبن عليه
----------------------------
يا صاح طال هجرك مــر علينا
مو حتى الزاد بعدك مـر علينا
اذا بعدك تحبنا مــــــــر علينا
تعال وكروة الت..............ي علينه
-------------------------
سواد العين عكبك سال مني
وأعاند وي عذولي سالمني
جفوف هواي عكبك سالمني
ونارجفك ليهسه بين ايديه
-----------------------------
اريــــد اخبط مزيج الرمل والحر
وادور عل الصديج الوفي والحر
نخيت الله وابو الحسنين والحر
يحفظ كل اخو يذكر اخيه
----------------------------
يا شارع اشوفنـــــــك وه تادي
اريد اصرخ بعالي الحس ونادي
وحسرتي تحرك اليابس ونادي
يمته تمر يمحبوبي عليه
----------------------
كلب يعوضك يـــوم لا اثنين لا عشره
حبيبي صاحبي هلي وكـل العشيره
رحت هسه ونسيت الملح والعشره
ونسيت كل لحظه انت جنت ما بين اديه
------------------------------
رقيق وروحي وي الولف ورعه
حطيته بوســــط دلالي ورعه
لعد بابه رحت بهمومي ورعه
بسرب شوكي يريت يحن عليه
------------------------
صفت بــــــس للدمع عيني وكتبي
طره لعبت بيـــــه انتــــــــه وكتبي
طبعت اسمك على اوراقي وكتبي
وحكم حبك علي بس الاذيه
----------------------------
ربك يا ترف من حسنه شهداك
وينهياله اليضــوك بيوم شهداك
يحلــو الطول كل تاس شهداك
بسهم عينك يبو شفايف نديه
--------------------------
اريد الدنيه تصفــه وياي بس يوم
وشوفك يا كحيل العين بس يوم
تنوح امي عليه وصحت بس يوم
الذنب ذنب الدهر قاسي عليه
---------------------------
علي فسر جفن عينك وسلهم
روح بـــــــــروح خلاني وسلهم
دحاجي بلطـف جيرانك وسلهم
شكثر باليوم ينشدكم عليه
--------------------------
حد اسيوف هجرانك و سلهه
وهاك الروح مرمرهـه وسلهه
يمك ناس ناشدهــه وسلهه
بشرع من حللت هجرانك عليه
------------------------------
شبدينه عل النحبه ما يحبنه
مثل سمج طبعـه ما يحبنه
بارد يلتشربـــــه ماي حبنه
وشربت يلكلت مالح شويه
--------------------------
زرع ريان مــــــــــــــــن كلبي ترابه
ومثل طعـــــم العسل يا عالم ترابه
دللته يا خلك الله وعله ذراعي تربه
وجه غيري وخداه من بين اديه
----------------------------
نهرت النفــــــــــس ما تقبل نهاري
دموعي يكتن على خدودي نهاري
اكضي بالحزن بعـــــــــــدج نهاري
وباليالي لا تسئليني شيصير بيه
---------------------------------
شجه للنفس ما جره و مالي
و ملك الموت اشوفنه و مالي
بعـــد ما تنفع اولادي و مالي
بس الجفن حصتي من الدنيه
----------------------------
جنه من الدفو ياناس حظنه
عشكنه وماكعد ويانه حظنه
وانا مازدت الطمع بس ردت أحظنه
ومن أحظنه الكعبه متفكه من ايديه----------------------
روحي شلون أكضها من تهم بيك
ومثل تهمه حبيبي من تهم بيك
ولك ظيم اليمر بيه من تهم بيك
ولاجنك وانا مبين عليه

وعجبوني
ابخلت حتى بسلامك ماترده
ونحمد الله الحال بعدك ماترده
اذا كلبي يريدك ماتريده
اذكرك مو بعد ترجع عليه
~~~~~~~~~~
عله كلبي حديدك دك ولانه
وبفراكك تره بس الهم ولانه
صرت لا ميت بحبك ولانه
عدل وتلمس جفوفك بديه
~~~~~~~~~~
غراله وكلبي يلعب لايجلهه
وانه من الذيب خايف لايجلهه
بيضه وتلبس اسود لايجلهه
كمر طل السحاب وطل عليه
~~~~~~~~~~
كلب والكلب عندك بستكانه
وجن بالحلم شفتك بستكانه
دهاك الروح اخذهه بستكانه
اعله كيفك اشربها وخوط بيه
.................................
سنيني السود لجلك لمعتهن
وكشر دكاتك آنه لمعتهن
اعت بأيام عمري ولمعتهن
يطيح الضيم منهن والاذية
..............................................
حبيبي وياي حجيك ماتحله
وعني حزام هجرك ماتحله
يا فتوه اليكلك ما تحله
حبيبي وكلك مكدر عليه
,,,,,,,,,,,,,,,,,,,,,,,,,,,,,,,,,,,,
مايوم السده عليه ولي راح
ولاهم للبكه بعمري ولي راح
ما دام النفس باقي ولي راح
ماذل وتضل نفسي ابيه

.................................................. ..
هله بلي اعله روحي ناصريته
ويحاجز بيني لبينه ناصريته
اعوفن داري واسكن ناصريته
خذت كلبي وسبتني الناصريه
,,,,,,,,,,,,,,,,,,,,,,,,,,,,,,,,,,,,,,,,
تعال الروح ناشدهه وسلهه
غيرك لا تظن همهه وسلهه
لأجلك بالع العيطه وسلهه
دخيلك لا تشح وصلك عليه
.................................................. ...
عزيز وشوفتك عنــدي محلهه
والك عكده وسط كلبي محلهه
حبيبي جيتك لينه محلهــــــــه
تعــــــال بغيبتك شفت المنيه

.................................................. ...

كَضه عمري بعسه وبكون وبليت
ويلاهي اشكر شما جرّبت وبليت
ابتليت انه بوجه فولاذ وبليت
اشتظن يعرك لونّه يخون بيه
................................
بقفل كَلبي ان..............ر مفتاح بلفاك
وبقيت استعوذ الشيطان بلفاك
عجب جف النطاك الزاد بالفاك
تعضه اشحال لو وكلك بديه
................................
ظيمي اشما كصه بحالي ونابه
ابد مادحلب ابشدّه ونابه
غلبني اللي ضحك سنّه ونابه
طلع ذيب وتحيل بادميه
.............................

عرج مابيه مضيافك عرج بيك
وعله افعال الزلم يامه عرج بيك
لجن معذور مو بيدك عرج بيك
ينكَد عالكَباحه وعالرديّه
................................
صعب طبعي اويه ربعي وعلمنه
وشكرت الله اعله فضله وعلمنه
اظل عالعالي عالي وعلمنه
وحط كلمن وفي اعله الراس خيه
.......................................
بطل العذل ياصاحب ولوماي
وبسمهم بعد ماصيحن ولوماي
ولو ماي البحر مالح ولوماي
اجرعه ولازلال الخان بيه
.................................
واحد جان من عدنه وخانه
غدر ياحيف بمعزبه وخانه
يراويك الوفه بخانه وخانه
يظم بيه شكو ارده من الرديه
.................................
يدنيه جوزي من حالي وكفّي
وجدري اعله الصبر زايد وكفي
كل مضياف كفّه انحب وكفّي
عضّه المايخاف اللوم بيه
...................................
حاط الموت روحي والتفلهه
وهكَيت انته التحله والتفله
الغسل والطم يطمك والتفله
عشرتك لو فلس ماتسوه اليه
.................................
يدنيه السود دومج تفعليهه
وكل للكَلب بالك تفعليه
اتخسه وجوه الشماته تفعليه
خبيثه ونغّصت عيشي عليه
....................................

امرحب دوم بالكاصد ونهلي
ومن بير الكرم شربي ونهلي
انكرو بيعة علي اجدادك ونهلي
ابغدير الخام جانو جعفريّه
.........................................
تواضع لتّصور مندلنته
تهت وتحسب روحك مندلنته
ابّير الغدر عارف مندلنته
مثل يوسف طحت والزود اليه
.......................................

حنيـت الهـم ولا واحـد حنالـي
وحنيـت الهـم ولاواحـد حنالـي
حنيـت الهـم ولاواحـد حنـالـي
مغركّنـي حنينـي وفـاض بـيـه

حبيبي وياي حجيك ماتحله
وعني حزام هجرك ماتحله
يا فتوه اليكلك ما تحله
حبيبي وكلك مكدر عليه
يسلمواااااااااااااااااا

أبوذيات حلوة عاشت أيدك .

تحياتي أشرف علي ملك الرياضة ...

مشكور حبي ابو ذيات جميل تحياتي يا وردة

[وحدهم المشرفون لديهم صلاحيات معاينة هذه الصورة]

يسلموووووو على الكلام الجميل

[وحدهم المشرفون لديهم صلاحيات معاينة هذه الصورة]

زائر

سماح اطلب انا المنكم وهدنــــه
كمش بيد التعورنه وهدنــــــــه
جبل راكَع خجل جيتك وهدنـــــــه
اصير اتراب ونته اسحكَ عليه

عاشت ايدك نورس الورد
ابوذيات روعه
منور صديقي

عاشت الايادي الحلوه التي وضعت الموضوع الراقي

تحياتي

شكرا ع الموضوع الحلوو

[وحدهم المشرفون لديهم صلاحيات معاينة هذه الصورة]

[وحدهم المشرفون لديهم صلاحيات معاينة هذه الصورة]

يسلموووووووووو
اختيار جميل
تحياتي يا وردة

يسلمووووو عاشت الايادي
[وحدهم المشرفون لديهم صلاحيات معاينة هذه الصورة]

ابوذيات رائعة وجميلة شكرا نورس

[وحدهم المشرفون لديهم صلاحيات معاينة هذه الصورة]

وتبعنا اوراق تألف الخوض في ربوع السلام
تلك محطات توانت بالورود
خضراء في اسفارها

[وحدهم المشرفون لديهم صلاحيات معاينة هذه الصورة]

شكــــــــــرا علـــى الموضــــــوع
الجميــــــــــل

و الروعــــــــة تحيـــــــــــاتي الكــــــم يا
غاليــــــن

يسلموووو يا وردة ع الطرح الحلو تحياتي

[وحدهم المشرفون لديهم صلاحيات معاينة هذه الصورة]

يسلمووووو

شكرا يا غالي عاشت ايدك يا غالي
تقبل مروري

يسلمووو نورس عاشت ايدك

يسلموووو على الموضوعے الجميلے

نريد منكے الاكثر والتقدمے الى الافضلے

فيے مواضيعكے الاكثر من رائعهے
__________________
.............

يعطيك العافيه
مواضيع روووعة
وجهود أروع
ننتظر مزيدكم
بشوووق....

يسسسسسسسسسسسسسسسلموا
الموضووووووووووووووووع
روووووووووووووووووووووعه
عااااااااااااااااااااااااااااااااااااشت
الاياااااااااااااااااااااااااااااااااااااااااااااادي
تحيااااااااااااااااااااااااااااااااااااااااااااتي
الكم يااااااااااااااااااااااااااااااااااااااااااااااااا
راااااااااااااااااااااااااااااااااااااااااااااااااقين
على هذاااااااااااااااااااااااااااااااااااااااااااا
الابداااااااااااااااااااااااااااااااااااااااااااااااااااااع
[وحدهم المشرفون لديهم صلاحيات معاينة هذه الصورة]

[وحدهم المشرفون لديهم صلاحيات معاينة هذا الرابط]

ڳل من يڳرهني أمامڳ خمسةأصآبع خير ٲڷآمۈڒ أۇسطهآ