مانسيتك للشاعر حازم جابر

مانسيتك للشاعر المبدع حازم جابر

لملميتك ياندى مبعثر على الوردات
وي طله الصبح خايف لكيتك
ولملميتك صفنه صفنه وذكرى ذكرى ودمعه دمعه وكبريتك
وجيتك اتهجالك حروف العشك مثل الاطفال
وصرت تقره واني صار سنين احاول ماقريتك
وكالو بعد متخضر بكلبك محبتي
جيت اناغيلك شعر مسكي بدموعي وخضريتك
وشلتك بروحي عطش كل هلسنين
وانت تغرك بلعسل كد ما رويتك
وعصرت كل عطر بروحي الك بثنين ايديه
وجيت يمك عطريتك
وجنت اكول للناس غركني بحنانه
وهمه بعيوني لكو دمعه اذيتك
ومانسيتك.........................
هي هاي المشكله التاكل بروحي
اني ناسي وجوه ناس اله انت مانسيتك
وي عمري الكاك تمشي مبسمر بجفني ويه رمشي
شرد اكلك وانت كلشي
انت فرحي المالكاني ومالكيتك
وهسه وينك؟؟؟؟؟؟؟؟؟
موخلص شوفي على الدروب البيهة تنطريتك
وهسه وينك؟؟؟؟؟؟؟
كالو بأخر الدنيا حلم باجر تشوفه
وجيت امشي وصرت ازحف وصرت ميت وعتنيتك
وكسرت خاطر العالم بجو من كثر متوسليتك
ليش ياكلبي تظل هيج على نيتك
وكلي منهو الهسه يتحمل خطيتك
آآآآآآآآه يلخلوك وحدك وانعرف للناس سيطك
وآآآآآآآآآآآآآه يلمختنك دومك والهوة مادخل ريتك
اي شجاني اي شجاني بماي حبهم جيت بأيديه سكيتك
ليش صدكت الشمس باجر تدك الباب وتضوي على بيتك
وليش صدكت الحجي الجذاب من كالو نطش اعمارنا ورود المشيتك
اليمته يا كلبي تظل هيج على نيتك
وكلي منهو الهسة يتحمل خطيتك

يسلموووووووووووو كلام روعه عاشت ايدك كوران تقبل مروري

شكرا على الموضوع
تحياتي

يسلموووكوران كلام جميلللللللللللل

يسلموووووووو

عاشت ايدك كوران على الكلمات الراقية
تقبل مروري

يسلمووووووووووووووووو [وحدهم المشرفون لديهم صلاحيات معاينة هذه الصورة]

يسلموووووووو

ع الكلمات الروعة تحياي

انت فرحي المالكاني ومالكيتك
وهسه وينك؟؟؟؟؟؟؟؟؟
موخلص شوفي على الدروب البيهة تنطريتك
وهسه وينك؟؟؟؟؟؟؟
شكرا كوران

شكرا لكم جميعا يا من انرتم هذا الملتقى الجميل بكل ما هوة ممتع وجميل
فتقبلو منبي كل الود والاحترام
تحياتي