لان دقة جمالك مو شغل تسعه

لأن تضوي وترف وبلمسة ايد تذوب
تخجل من ضواك وتنطفي الشمعة
يالعينك سفينة تعاند الملاح
تشك روج البحر بس تغرك بدمعة
ومن كد ماترف ينشاف بيك الماي
وبجيدك نزل شلال مو مجعة
وماجلجل علينة من الكصيبة وغار
ومسودن الليل وجيب اليقنعة
على خدك ضوة شمس الله بي تحتار
تبجي وية الاذان وتنحب وتنعة
يالهمسك غنة وصفنتك موال
وصفة لكل مريض يطيب اليسمعة
بالليل انت واحد بالنهار ثنين
لأن ظلك مراية وعيونة إتبعة
وأظن عشرين وأزيد حملت امك بيك
لأن دقة مو شغل تسعة
طبع نمرة وغزال تجمعن بيك
سبحان الجمع رقة بشراسة
ياطيبة كبل ياغنوة السبعين
ياخيط الضوة الماليل جاسة
لغز ماحلة كلمن حول وياه
بشر جسمه الشمس والكمر راسة
يا حاصل جمع كل عطر الورود
إنضرب مرتين في مليون ياسة
يا واحة عسل والعمر خلص جوع
على كيفك بس دبك ماردنة طاسه