اريد ابتعد عنك فترة وانساك

اريد ابتعد عنك فترة وانساك
أي اريد امشي واروح اليوم أبعيد

لازم انسه حبك يلي عذبتني هواي
وصدكني راح أنساك بالتأكيد

بس اذا حبيت غير شخصك بيوم
راح افرض عليه شروط مثل ماريد

مو مثلك انته تزعل من كلامي وياك
لازم ابتعد عنك والكه حب جديد

انته غلطة من العمر صارت وياي
ولا تصدك بعد الكلام وياك راح يفيد

انته صرت ماضي بالنسبة اليه من زمان
ومنك تعلمت التجارب وبعد ماعيد

كلبي لغير شخصك مايفتح الباب
بس لازم افتحه اليوم بالتحديد

متقصد اقهرك وانسه كلشي وياك
وراح اعتبره هذا اليوم يوم عيد

لك ليش صرت مكروه بنضرتي هواي
وكبل جانت روحي تاخذني وعليك تريد

اوضح موقفي بالصدك بعد الك اكثر
وبيت من الشعر الك راح انه أزيد

انته ورقة واحتركت بالنسبة الي
وبعد منك اي شي اني ماأريد

مومثل الاسد من يدور فريسات
ولا مثلك انته للحب راح انه أصيد

كلشي جان حلو دمرته انته اليوم
يالجنت احسك مثل دم ويجري بالوريد

حرام عليك ياظالم دمرت حياتي هواي
وانته هسه بنظري صرت برخص الحديد

ولا تصدك افرقك عن خادمي المسكين
ولا تحلم حتى افضلك اني عالعبيد

عادي تعلمت عالدنيه من تقسه وياي
وحتى تعلمت ابقه بغربة وعايش وحيد

ولك ليش تتمنى الايام القديمة تعود
فهمني الصراحة انته مني شتريد

انته تحلم ان نرجع سوه نعيش
وخليك متأكد ان انه هسه سعيد

اني أدري أنته ندمان بقرارك هاذ
بس صدكني ندامتك هاي بعد متفيد

صرت براسي فقير وكمت تحجي عالخيانة
وتلوم بالناس وسويت نفسك كدامي عقيد

سولفتلي عالوعود هواي ويامكثر وعودك
وشكد صدكت بيهن وانته منهن بعيد

فرق شاسع بين الثلج والماي
بس ماكدرت اعرف أصلك صخر لو جليد

الي يطير بسماه مايفكر بلي جان جواه
وهايه قاعدتي بالحياة وراح تتنفذ بالجديد

شكرا ياورده

كلام روعه

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

يسلمو عامر انرت
الف تحية الك

جميل جميل جدا بلال المميز
دام التميز والابداع
تسلم

[ندعوك للتسجيل في المنتدى أو التعريف بنفسك لمعاينة هذه الصورة]

وتبعنا اوراق تألف الخوض في ربوع السلام
تلك محطات توانت بالورود
خضراء في اسفارها

انرتي ست هديل
الف تحية الج

» موسهلة عليه ابتعد وانساك
» ابتعد عن مخيلتيابتعد عن مخيلتي
» آوقآتنآ / هلْ هيَ مجردّ فترة منْ زمنآ وتنتهيَ ؟!