ابراج تحشيشيه

موضوع: ابراج تحشيشيه الجمعة ديسمبر 09, 2011 8:30 pm

ابراج تحشيشية

[size=25]
.
.
برج الحمل ( الصخل )
يتميز اصحاب هذا البرج باسلوب كلام مميز (لوگي) والتركيز على الهدف ( مثل كرستيانو رونالدو) ويتميز بواقعية وصلابه (صبه كونكريت )
... يحب التوفير(عص كلش وبطنه خايسه من الفلافل )عنيد(ابو طنگوره)صابر
متوازن(مخلي بجيبه حصو) هدوء في التفكير (بارد ابرد من الثلج)واضح
(...تگول شاشة ال جي )

برج الثور ( الهايشه )
يتميز اصحاب هذا البرج اول شي بحب المادة (يبيع امه وابوه ع
الفلوس)وبالاستبداد ( متاثر بكاظم الساهر) والثبات على الراي (من يگول لا
يعني لا )ولكنه يحب عمله (روحه ومذهبه الشغل)وسريع البديهه(يلگفها وهي
طافره)ويكون متساهل دائما مع الحبيب (ميدري شيصير من وراه)يحب الملابس
وخاصة الجديدة منها (يعني البالات )

برج الجوزاء ( الكرزات )
يتميز اصحابه بحب الاطلاع (حاشر خشمه ابكل شي )مثقف ( يقره ويكتب) مثالي (
مو ممثل يعني) ديناميكي ( دائما ً اسمعها بس ما اعرفها شنو )يحب الثرثره
(من يحجي ميسكت الا من تطفا الكهرباء) قلق ( يمشي ويتلفت) قليل التركيز
(يمكن ممتريك)لا مبالي ( ميدري بالدنيا شبيها ما بيها )
هذه برجي عجيب الامر انفضحنه كلشي مكتوب صحيح ههههههههه تعجبت هع
برج السرطان ( ابو الجنيب )
يكون اصحاب هذا البرج منفتح في علاقاته ( ابو درب ) يحب الكلام ( لغوي )
سريع في اتخاذ القرارات (بدون تفكير) لذلك ترى اكثر قراراته خاطئه ( دومه
متورط) فضولي (يريد يعرف كل شي )حشري (وخاصة البنات )حب الظهور (لازم
اربعه وعشرين ساعه اون لاين )

برج الاسد ( السبع )
محشش ( عايش بغير عالم) دائما شارد الذهن (يصفن هوايه)خشمه چبير ،راسه
چبير لديه عاطفه منغوليه ( يعني منغولي )ميثق بواحد حى بابوه يعشق الحريه
(دايح) سبع ويسوي مشاكل هوايه اخو خيته ومع ذلك هو بطيء الفهم يعني مطفي
من الرئيسي ، لا يعرف كيف يتصرف مع الحبيب دوم يچفص

برج العذراء( العانس )

مستقر في عمله (گاعد على كرسي) اموره العاطفيه دائما موفقه اموره ماشيه
مبذر (مضيع فلوسه على كل شي)لديه حساسية عاليه (بيه جرب)يحب المناقشه
والجدال (الاتجاه المعاكس صاير براسي) ولديه دهاء (خبيث يعني ) مرح اربعة
وعشرين ساعه فاتح حلگه رومانسي (دائما يتابع روتانا سينما)لديه انسانيه
ورقه (مثل تامر حسني )

برج الميزان (الگبان )
يمتلك اصحاب هذا البرج عاطفه كبيرة(الحنيه تگطر من كل مكان) وهدوء من يحچي
ابد مينسمع وتضحيه يمكن متاثر بكارتون گرندايزر وحب المساعده(مايخلي فقير
ما يخمطه)وفاء (وفاء عامر)وكثيرا ً ما يوكل اعماله الى الغير يعني عجوزي
بالشغل يحب اللعب والمرح ( يلعب دعبل)يخاف من المواجهه (جبان )

برج العقرب (يمه گرصتني العگربة (
يحب اصحاب هذا البرج المشاركه (البيده مو اله ) كريم (حاتم الطائي)يحب
الاثاره(احمد السقا بفلم المافيا)حنون (گلب والده) متدفق تگول بوري مكسور
يحب الالتزام ولا يكذب (من يواعدك بالسبعه الصبح يجيك بالسته العصر ويگلك
صارت عدنه فاتحه) لديه حساسيه زائده ( خاصة من بيض السلگ)لكنه مزاجي
(مزاجه برتقالي )

برج القوس(السهم الاحول )
دائما مايكون عصبي المزاج (دوم يصيح عالزغيره والچبيره) كسول ( ميگوم من
مكانه لو طگت يمه مفخخه)متسرع (شاد محرك مال واوي) ( دير بالك تحچي
وياه)لا يحكم عقله في اكثر الامور (مطفيه ومخليه على صفحه) لذلك تراه
دائما ما يقع في الخطأ(دومه غلطان ) لديه حب الذات (شايف نفسه شوفه)لكنه
يحب الخير للناس (على نياته )

برج الجدي ( الخروف ابو گرون )
لا يتعض من الماضي(اذا اكو حفره اباب البيت كل يوم يوگع بيها)بعيد عن
الواقعيه (يعني مثل الافلام الهنديه لگه طفله على الرصيف رباها وكبرها
طلعت امه) مبالغ في الدلال (مثل نانسي عجرم) يستجيب بسرعه للضغوط( اول
راشدي يگول اني فجرت وزارة العدل) يعشق بسهوله(كل شويه يحبله وحده)يقدس
الصداقه(اذا گله صديقة ذب روحك بالنار يذبها) يتصرف بلا عقل احيانا( أرعن )

برج الدلو ( السطله )
متغطرس (صاير ابو جاسم) شايل خشمه ليفوگ ، صاير هوسه ملابسه بصفحه وكتبه
بصفحه ،مبذر فلوس متبقه عنده ،عدائي (مثل الذيب)عصبي ثري فيز، حاد الطباع
(خبل)غير مسؤول(ماله علاقه شيصير وراه) لا يحب المساعده(يجي يوم ويوگع
)ولكنه عندما يعشق يعشق بجنون (مثل جاك بالتايتانك)ويضحي من اجل الحبيب(مو
گلنه مثل التايتانك) ولنه يخدع بسهوله (دوم مضروب بواري )

برج الحوت( البني والگطان )
يكون صاحب هذا البرج لديه طموح جامح (يريد يصير رئيس وزراء يمكن) يفعل اي
شيء من اجل طموحه(يحرگ الدنيا بس يوصل) يحب السيطره (سيطرة مال حرس
وطني)سريع الزعل (اول ماتشاقه وياه يزعل)وسريع الرضا (بسرعة يتقشمر)يصدق
كل شيء يقال له(مو عاقل) كثير الثقة بنفسه (فان دام )[/size]

هههههههههههه

تحشيشية فوك اللزوم

يسلمو كتاري [ندعوك للتسجيل في المنتدى أو التعريف بنفسك لمعاينة هذه الصورة]هههههههههه