على خشبه مصاطب جامعه بغداد~من المميز ستار الكناني

الادارة المحترمة
تحية طيبة
عتاب يوجهه حبيب لحبيبته
بعد ماتغيرت ولاسباب مجهوله
اليكم من مبدع الشعر الشعبي با ختياراته الجميلة
المميزستار الكناني

على خشبه مصاطب جامعه بغداد

[ندعوك للتسجيل في المنتدى أو التعريف بنفسك لمعاينة هذه الصورة]

على خشبة مصاطب جامعة بغداد
اتعاهدنة وحلفنة وزادنة اتملح

دوخني كلامك ..شمر بيه بعيد
تحبني..مشتريني .. غيري ما يصلح

كضيت اربع سنين بمسرح الاوهام
اجت سنة التخرج حركت المسرح

مو انت الاعرفك.. مدري اعرفك زين؟؟
انت الجنت واضح، مدري صرت اوضح !!

ضاعت لهفتك صفنة بوجه عميان
ما مشتاك يمكن ،، لا على الارجح

لفيت الشهادة وردت بس تروح
اظن وقتك ثمين وكام ما يسمح

ارحم ساعتك ، لتباوعلهة هواي
الوقت كالسيف عدك خاف نتذبح

تسأل ليش راسب ؟ آنه اكلك ليش
حبيتك صدك.. واليحب ما ينجح

وكت الجنت تقرة وتنسأل وتكوم
وتعيد الدرس وتناقش وتشرح

آنه اسأل بروحي شبعد ونلاكيه؟؟
وناقشهة شجاوب لو علي صبّح؟؟

عالصبورة عيني وعقلي كلة وياك
عين بلا دماغ.. شتجمع؟؟ شتطرح؟؟

ولأن كاعد وراي وما اشوفك زين
رضيت لنفسي اصير بخانة الوكّح

متفوق بحبك آنه مو كسلان
خلصت الدوام بوجهك اتصفح

تكتب والشعر يسرح على الوجنات
من باب التضامن انشده واسرح

اكطعلك ورد مثل الطفل واهديك
وعمال الحديقة لسانهم يجرح

غلطو ، واشتكو ، واتعهدت مجبور
كمت اضرب حصص ووياهم اتفلح

اصعد على الشجرة واكتب اسمك فوك
مو شغلة بطر، بس ردتة يتمرجح

طردت من الاحلام هواي ناس عزاز
خليتك لوحدك تسرح وتمرح

انام المغربية بغيد درب الليل
و امي تكلي دنية غروب ما يصلح

لا.. يصلح كلت .. خالفت اغلى الناس
جنت غلطان آني وامي رب الصح

ليش،،بطرك ليش انتهت قصتي وياك
وأسف يتبع اسف .. وبأسف يتلقحع

[ندعوك للتسجيل في المنتدى أو التعريف بنفسك لمعاينة هذه الصورة]

وتبعنا اوراق تألف الخوض في ربوع السلام
تلك محطات توانت بالورود
خضراء في اسفارها

» على خشبه مصاطب جامعه بغداد
» نشأة جامعه بغداد
» صوووور حموودي الكناني