كلمات قصيدة علي الفريداي **بعد مااحب* رووعة اشررد موطبيعية 2012

[ندعوك للتسجيل في المنتدى أو التعريف بنفسك لمعاينة هذه الصورة]

} علي الفريداوي

بقصيدة

بعد مااحب

بعد ماحب بشر مايثبت يحبني
والي مااعجبه ليش يعجبني
بعد ماصير كاس بايد اليشربون
مر يشوفني ويرتاح يشربني

وماريد اكلك وياك انا للموت
وباول حفره صدفة يشوفه يذبني
بعد ماريد صاحب عنده ست وجوه
مثل الزار طبعا راح يغلبني

انا ماريد صاحب عنده ست وجوه
مثل الزار طبعا راح يغلبني
وماريد النطاني واني مامحتاج
ومن بيه سمع محتاج طالبني

وماريد التركني من جنت تعبان
ولمن شافني مرتاح صاحبني
وماريد المدحي من جنت موجود
ومن غايب بنار لسانه كلبني

انا اريد البظهري يجبني بالخير
حتى لو بوجهي يوكف يسبني
انا ماريدهم مو من كلب بطران
بس عشت بزمن مجبور تعبني

ياخي شكد غريبه تعيش هاي الناس
شصير انت عكسك طبع تعبني
احبه يخوني خنته يحبني يكوم
احجي يلموني انساه يعاتبني

اصده يصيحلي اشتاكله يندار
علمته الرمي انداريت صوبني
خفت من السترته البارحه من العوز
خاف يكبر وباجر يسلبني

مدري الدنيا غابه مدري بينه العيب
محد على السؤال البيه جاوبني
شكثر من وطن حبيته حب مجنون
لفه اليكرهون وكام غربني

ادور على اليحبني مثلي يكون
على كد مااذوب وياه ذوبني
يصير مرايتي يدليني وين العيب
واني مرايته وهو اليرتبني

ميتاني اطلب لو جنت عطشان
يحس عطشان اله وبشفاه يشربني
مابيه طعم لو كتله انا شحتاج
لوحده يفتهم لو فعلا يحبني

يرسم ضحكتي ويحطه فوك شفاي
وبكلمة بوسط كلبه بشوك يكتبني
اعيش وياه عشك مو حرب مو هجران
اوفيله وفه شكد مايجربني

مثل ماانا اريحه براحتي يحتار
مو يرتاح بس لمن يعذبني
مو اسمه حبيبي وجرح بيه يصير
حبيبي بالاسم وبتهلكه يذبني

وحاضني بس كدام هاي الناس
لكن لو تشوفه هو صالني

وحاضني بس كدام هاي الناس
لكن بالحقيقة هو صالبني

بعد ماحب بشر مايثبت يحبني
والي مااعجبه ليش يعجبني

اليي يحب يحمل الاغنية

موجوده بقسم الاغاني العراقية

تحياتي

AHMED DJ

كلمات ولا احلا عاشت ايدك يا غالي يا ورده

انت الغالي حبيبي عبدوووشي

منووورني

انا ماريد صاحب عنده ست وجوه
مثل الزار طبعا راح يغلبني
وماريد النطاني واني مامحتاج
ومن بيه سمع محتاج طالبني

صدوك روعه تحياتي الك ياروعه انت

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

يسلمووو على الكلمات الاغنية الجميلة

دوم هل ابداع

تحياتي

يسلمو حمودي دوم الابداع

منوووورين حبايبي الف تحية الكم ورود

يسلمووووووووووووووو روعة تحياتي