كوة على كلبي دست

كوة على
كلبي دست كوة على روحي قسيت
مو هينة اجي بدمعتي واوكف بباب البيت
دكيت بابك خجل وبلا خجل دكيت
وارتجف بيه القدم وعلى الهوا اتوكيت
وفتحت بابك الي سلمت ما رديت
وسمعتك تكلي بهمس يا ريت لو ماجيت
معذور كون قلقت هذا القلق مشروع
انا ادري جيتي الك تخلق الف موضوع
عالخالي صدك الك ماجيت يالمحبوب
انا مرتني لحظة ضعف وحسيت كلي ذنوب
ردت الله يغفر الي بس بيمن اتبارك
غمضت عين وغصب جابتني يم دارك
لاترتجف ياحلو شامخ جبل خليك
ولاتهم باللي مضحكك اهتم بالمبجيك
تدرين هسة ششفت وش عشت وش عانيت
ادركني وكت العشا وبعبرتي تعشيت
لاكيتني وترتجف ثاريك بس تصيح
وزيدت حزني حزن لو ادري ابد ماجيت
قف يا حبيب الكلب واسمعني اترجاك
لو تدري ليش اعتني ولو تدري ليش اهواك
لولاك ما انجرح وعيوني ماتبجي
ولولاك ما اخرست وبعالي صوتي احجي
ولولاك ماتيهت وامشي ورا اللي يمشون
ولولاك ماطفحت واحجي ورا اللي يحجون
ولولاك ابقى صلب ماتمرني اللوعة
وعيوني مثل الحجر ماتعرف الدمعة
وتكلي شنو هالوزا وشجابني بهالليل
رغم الجرح بي جرح والحيل ما بي حيل
ورغم النهار انكضى والدنيا صارت ليل
صح جيتي محرجة وصح جيتي تخجل
مغصوب اجي بهالدرب ومن شامت اتوسل
شوف عيني لمن بجت محد ينشف بكاي
والروح طير عطشت وتريد قطرة ماي
ويا الغريب اللي يمر ياوسفتي تساويت
ومخذول انا دنكت وبدمعتي رديت
وتريد اوضح الك شيهمني هذا البيت
هنا طفولة دفنت بيها اندفن علمي
وهنا بقى دفتري واوراقي وقلمي
وهناك امنيتي وهناك حضن امي
وهناك باقة ورد مكتوب بيها اسمي
وهناك كومة حجر سويته بيت بيوت
وهناك كلبي انولد وهناك شفت الموت
وتريد اوضح بعد ليش اعتنيت وجيت
ظل هيج لاتعتذر مهما الي اشتاقيت
ومايهمني انت تعبت ومايهمني انت بجيت
صح بالكلب رحبت بس بالوجه صديت
وشيفيد امرلك بعد لو بالوجه صديت

عاشت ايدك ورد

تحيااتي الك كنااري

تــــم النقــل للارشيف

بسبب تنزيل اكثر من 3 مواضيع بنفس القسم ولنفس العضـو

» اسد باب كلبي؟
» اذا كلبي كدر ينساك
» عتبي على كلبي