قصيدة اخو عثمان

هذه القصيدة للشاعر المبدع صباح الهلالي وفازت بجائزة أفضل قصيدة شعبية في العراق
اخو عثمان

--------------------------------------------------------------------------------

بعد ماي الفرات لضيفنه انبديه
والكطان الازرك مانكر شصّه
وكل اسباب جوعي ابدون استثناء
كلهه تروح فدوه لورقة الحصّه
كبل خطار اجاني وصادفة عوز
على خدودي شمع ذابت الكصه
ولان تنوري طين وغيرته من الكاع
خلص عدنه العجين استنسخ الكرصه
هسه اشبينه ليش وشختلف بالناس
اذا يلتفت ضيفك ينوكل نصّه
اهلنه البيت واحد شو صفو ضدين
ملّه تلوم ملّه وبالكلب غصّه
اركض طاح اخوك بضهره حط سجين
لاغيرك يذبحه تفوتك الفرصه
سكرانه العداله وناس تاكل ناس
زمن صارن خوات العلوه والنصه
طم هور الجبايش وانفي كردستان
وبكلب الرمادي خنجرك رصه
ولك مو عيب واحنه اللي نشيل الراس
شلون جفوفنه اتكض راسنه اتكصه
اختلفنه احنه بعلي وبعمر وبعثمان
لويدري محمد بينه ماوصّه
المحتل اطلعه حط اديك وياي
يامحتل طلع بالهوسه والخبصه
كطرة حيه انه واتّكصّه
ايعرفنه النشد عنا والتكصه
احنه بجسم واحد والتكصه
جفك لاتظن كصيت اديه
فدوه ارجوك تهده وتلعن الشيطان
عسى من غيراك ابخته وبحضّه
انه شردت منك غير ننسه الراح
وطرفك عالزعل بيناتنه اتغضّه
انفطمنه اعله البنادق وانته تعرف زين
الش.........ه بلا نفع لوزعلت الفرضه
انه وياك سيف ونذبح الجلاد
واذا تعجز ادينه بلوزته انعضه
العباس جدنا الما حتاج جفوف
ضل حد لسنون لازم القيضه
جاشنهي عليمن ليش مختلفين
انا شنهو القبلته وانته الترفضه
يجوز الما اكضه الخلل بالجفين
اليعبر عليه جفوفك اتكضه
انه غركان يمك ها يخو عثمان
البجسر الائمه ماصفن لحظه
شاف الايد وحده وناس ضكهه الماي
على كد الجفوف الصاحته اتشظه
انه دجلة الخير المانست عطشان
واخوي انته الفرات وترضه ماترضه
اختلفنه باولياء الله .. وضعنه
واحنه ساس للدنيه ..وضعنه
وربك مانغير من .. وضعنه
شرط الا..تحط ايدك بديه

أحزان قلبي لا تزول.....حتى أبشر بالقبول

وأرى كتابي باليمين.....وتقر عيني بالرسول

[ندعوك للتسجيل في المنتدى أو التعريف بنفسك لمعاينة هذه الصورة]

وليد الشاعر
بارك الله بيك على هذه القصيده الوجدانيه الرائعه
جزيت الف خير
واعطاك الله الكثير لقاء ذلك
ودي

شكرااااا
حبيبي سلطان على مرورك الجميل
كلك ذوق

أحزان قلبي لا تزول.....حتى أبشر بالقبول

وأرى كتابي باليمين.....وتقر عيني بالرسول

[ندعوك للتسجيل في المنتدى أو التعريف بنفسك لمعاينة هذه الصورة]

يالله عفارم عليك خيوو وليد
قصيدة أكتر من راااائعه وكمان معبرة وهادفه ومؤثرة للمشاعر
عشت واحسنت وبوركت يداك ... بارك الله فيك يامتالق
لك مني كل التحايا

شكراااا يا مبدع ما تحملة من كلام مميز وروووعة
شكرااا واليد
تحيااتي الك

شكرااااااا
خيو امارة
على حضورك وردك الجميل

أحزان قلبي لا تزول.....حتى أبشر بالقبول

وأرى كتابي باليمين.....وتقر عيني بالرسول

[ندعوك للتسجيل في المنتدى أو التعريف بنفسك لمعاينة هذه الصورة]

تحياتي لك
حبيبي كناري
على مرورك الرائع

أحزان قلبي لا تزول.....حتى أبشر بالقبول

وأرى كتابي باليمين.....وتقر عيني بالرسول

[ندعوك للتسجيل في المنتدى أو التعريف بنفسك لمعاينة هذه الصورة]

مررسي ياخيووليدمااعرف شكلك عاش ذوقك وصح لسانك
ولسان الشاعرحقيقتابجيتني كلش هسه
وحيل مشتاقه للمرحوم حيل مررسي الكم ومرررسي الى كل من رد
شكراوليد

[ندعوك للتسجيل في المنتدى أو التعريف بنفسك لمعاينة هذا الرابط]

يسلمو رووعه

بلعكس هند اني اشكر حضورك الجميل
هاي قصيده بصيطه بحق البطل الشهيد عثمان
هو يستاهل اكثر من هذا
ويبقى اسمه يتردد على مرور الجيال

أحزان قلبي لا تزول.....حتى أبشر بالقبول

وأرى كتابي باليمين.....وتقر عيني بالرسول

[ندعوك للتسجيل في المنتدى أو التعريف بنفسك لمعاينة هذه الصورة]

شكراا سنار

أحزان قلبي لا تزول.....حتى أبشر بالقبول

وأرى كتابي باليمين.....وتقر عيني بالرسول

[ندعوك للتسجيل في المنتدى أو التعريف بنفسك لمعاينة هذه الصورة]

» عثمان البطل
» شمس القلوب ~من الرائعة هند عثمان
» ( أفعل ماتريد / للمتألقة هند عثمان)