هلووووووووو
هاي بعض اغاني زمن الطفولة جنة نغنيهة من نلعب :
كم بيضه بلجامع بيضتين تنفكـ.ـس العينتين كلمن ايباوع
حلاااااال دم الغزال
حجنجلي بجنجلي صعديت فوق الجبلي لقيت قب قبتين صحت يعمي يحسين هاذة مقام السلطان شيل رجلك يا عمران
قالا بالا برتوقالا قلي عمي احسب عشرة واحد ثنين تلاثة اربعة عشر
سكول سبانة هندل بريك هذا المعمل مابي كيك وين الشربت وين الكيك
غزاله غزلوكي... بالماي دعبلوكي... واكفه على الشط... كاعده تمشط... اجاها نومي... كللها كومي... هذا حصاني...
يابط يابط اسبح بلشط قل للسمكه اتت الشبكه ميلي عنها تنجي منها
طوط طوط طواطه مرت الحجي خياطه لفوهه بلجريده طلعت عنبه جديده اكوشي بعد وراه
ببسي ببسي كولا
كولا كولا
امينو امينو بلادي
دار استعمالي
امينو هو اهوو اهوو
وباجكلاتا باجكلاتا يوو ايوووو يووو يو
يا ليلى علويش تبكين علويش تبكين شتريدين ؟
ابجي واريد بنية
سيارة حمرة دعمت الصفرة الحك يا ماطور جيبلنة دكتور دكتور ناجي لابس تراجي تراجي امة وسليمة اتطمة
دكو دكو على الطبول اسمعوني ما اقول السنة اربع فصول الشتاء والربيع ثم الصيف والخريف
االله يصبحكم بالخير يالعمالة العمالة الله يمسيكم بالخير يلعمالة العمالة
ما تنطونا بنتكم يالعماله العماله ما ننطيكم هيه الا بالف وميه الا بفص الاماس دوار الصينيه
بلي يا بلبول بلي ما شفت عصفور بلي
ينكر بالطاسة بلي حليب وياسة بلي
على وجه تيتي يايا
مشفتو حبيبتي لالا
طلعت الشميسة ..على وجه عيشة.. عيشة بنت الباشا.. تلعب بالخرخاشة ..صاح الديج بالبستان....
الله ينصر السلطان
الثعلب فات فات وبذيله 7 لفات يا بنات يا بنات ليش ماتغسلون هدومي لا لا والحية بالشط بط بط بط
ميكي ماوس ميكي ماوس كم بسمار عندك حتى تعمر بيتك
شامبو شامبو او لبي لبي او دئة البي البي او باكــ.ـسـتان او باكـ.ـستان
ون تو ثري البي سميرة بت الجلبي شعرهه اصفر حلبي وتصيح يمة لبلبي قف
عصفوري فوق الأشجار إنزل إنزل يا عصفور و أكل الحب بليه كشور عصفوري جان صغير ربيته على إيدي لمن كبر وريش كام ينكر بخدودي
هيلا يارمانه هيلا يمه منهية الزعلانه هيلا يمه الحلوه زعلانه هيلا يمة ومنهو يراضيها
هيلا يمة ابوهه يراضيهه هيلا يمه صايغ تراجيهه هيلا يمه محبس وكردانة هيلا يمة
اس اس اسيلو
اسيلو بالمغارة
كمزت عليهه الفارة
والفارة هندي هندي هالليلة باتت عندي
جابتلي 3 صواني
حمرة وخضرة وماوية
أنشألله عجبتكم؟؟؟؟ ههههه
شتذكرون بعد؟؟؟
تحياتوووووووووووو حبايبي
سلطانوووووووووووووووووووووو
ســـــــــــــــمر 
موضوع: اغانينا من جنا اصغار !!!!!!!!!!!!!!!!!! 
الجمعة سبتمبر 09, 2011 12:15 am
