شعر طالب!!!!!!!!!!

طالب وعايف دروسي
واقره اشعار وجرايد
وعاشك بنيه بقسمنه
والقلب بس الها رايد
هي حلوه هوايه حلوه
واني عمي شلون واحد
بالفرن ناسيني اهلي
وحتى لون عيوني جارد
حاولت الفت نظرها
بكل وسيله وماكو فايد
غيرت لبسي ومشيتي
وفكري بالمودات شارد
وجللت شعري وصبغته
ولبست حتى كلايد
كعدتني ع الحديده
لابعت حتى الحدايد
لاتكلي ولا اكولك
بهذلتني الله شاهد
وهي تدري بس خبيثه
مثوله والدلال بارد
وانه نار بنص دليلي
خاف اصارحها وتعاند
مره اكول احجي وياها
ومره اكولن خلني راجد
وين جانتلي يربي
جنت متونسس وكاعد
وقررت لازم ابوح
بحبي الها وما احايد
بوري ما بوري اسولف
قابل مصارح مجاهد
جيت وتقربت يمها
جسمي يرجف حيلي بايد
والضغط يمي تخربط
مره نازل موه صاعد
كمت اتمتم كمت اعتعت
كمت احس بلساني جامد
جني سياره عتيكه
وانكسر من عدها كايد
ردت افلت ما عاد ينفع
كالت اتفضل شرايد
كلت عفوا من رخصتج
بلكي عندج قلم زايد

هههههههههههههههههههه
صدك هذا طالب صحيح ههههههههه
ثانكسسسسس

شكراااااااااااااا ورده ع الرد منور

حلوه

خوووووش طالب تعباان

[ندعوك للتسجيل في المنتدى أو التعريف بنفسك لمعاينة هذه الصورة]
أين تتسكع السعادة .!!

شكرااااااااااااا ميوشه ع الرد منوره حبي