زعطوط مو طبيعي ...

هلوووووووو [وحدهم المشرفون لديهم صلاحيات معاينة هذه الصورة]

طبعا اكو برنامج اسمه براءة الاطفال المذيع مستضيف طفل ومنذهل
بالطفل بتصرفاته وطريقته بالحجي (شوية ويكمز من سطح بيتهم)

المذيع: شسمك عمو
الطفل: انت شعليك

المذيع: علكيفك باب نريد نسألك كم سؤال وهذا هو
الطفل: ديلا فضنا

المذيع: شسمك
الطفل: محيسن (طالع عليه)[وحدهم المشرفون لديهم صلاحيات معاينة هذه الصورة]
المذيع: ياهلا بمحيسن ياهلا , محيسن شنو رايك بالاطفال الي يلعبون بالشخاطة
الطفل: هذوله زعاطيط

المذيع: عفيه صحيح , انت متلعب مو بالشخاط
الطفل: اني عندي جداحة

المذيع: شلون تصير تشيل وياك جداحة شنو هاي مال بابا
الطفل: هاي جداحتي

المذيع: جداحتك ..!! شسوي بيها
الطفل: غير ادخن

المذيع: شنو دخن !! شدخن
الطفل: ادخن سومر او جيس

المذيع: ماشالله ماشالله , ليش مدخن لعد من هذا بين وكلوازو ومدري شنو
الطفل: لا ذوله خفيفات بس السومر يلا يفيدني

المذيع: والنعم منك محيسن والنعم , سؤال لاخ شنو الالعاب الي تحب تلعبها
الطفل: العب طاولي ودومنه

المذيع: طاولي ودومنه يلا ميخالف , ويامن ويه بابا ويه ماما تلعب
الطفل: ويه جماعتي بالكهوه

المذيع: الكهوة..!! زين بابا يقبل تروح للكهوة
الطفل: ابوية شعليه

المذيع: هاا العفو العفو
الطفل: بعد عندك اسئلة فضنا مو متعاود

المذيع: يعني شنو متعاود
الطفل: متواعد

المذيع: هااا هسه ياله افتهمت بعد ويه اصدقائك غير تلعب دعبل ومادري شنو
الطفل: لا بابا متعرف شنو ... غير ويه البنات

المذيع: لله لله عليك يامحيسن .. سؤال اخير ماهو المطرب المفضل لديك
الطفل: سعدي الحلي .. يلا جر

المذيع: شكرا شكرا اخ محيسن الى اللقاء في الحلقة القادمة من برنامج براءة الاطفال

بشرفي مو طفل مو [وحدهم المشرفون لديهم صلاحيات معاينة هذه الصورة]

يلا جرو [وحدهم المشرفون لديهم صلاحيات معاينة هذه الصورة]