حبّنك دگلي شلون أنساك؟

احبّنك دگلي شلون أنساك؟
وإذا أنساك گلي شلون اگدر
لا اگدر احبك لا أظل وياك
وإذا ظليت ما نرسى على بر
دگلي شلون اعوفك جاوب أرجوك
لا تسكت وناري بگلبي تسعر
أشوف الناس تسكر لو تمس ألكاس
وأنابلمسة أيدك روحي تسكر
كضيت أحلى العمر يا خلي وياك
ولو ترضى جنت لعيونك انذر
تعال الكلب متيّتم بلياك
دشوفة شحالة من فركاك يكفر
أريدك ما أريدالغير يحجون
يكولون اليحبها دار وافتر
اريدنّك تحبني بكثر ما ريد
وياريتك تحبني شوية أكثر
بحر عينك أضيع بموجة واحتار
وهمس شفتك موسيقى وبيهانشعر
صدك تنسى ألحجي وأحلاها الأيام
وصدك عندك احبك حجي مسطّر
خلّصت الحروف وياك آهات
وما بقّيت بس حروف من جر
عليمن ومن شنو وليش أناوياك
جنة وأنت نار تريد تسعر
راح أنساك أحاول وأنسى الأيام
ولتظن أنا راجع وراح اصبر
جنت من أشوف عيونك ارتاح
هسة أنا من أشوفك راسي يفتر
اكولن همصدك حباني فد يوم
لو شمسه جنت وبشوفي يحتر
دجاوب لا تظل ساكت أريداليوم
جوابك آخذة لو حتى أنضر
مو أنا الجنت اغتر على الناس
صرت بيك أنايم الناس انغر
صدكني من اعوفك أشكال وألوان
بغرامي تطيح لو بس صبعي اشّر
لتظن حاير لو غبت فد يوم
أذا أنت الذهب غيرك من الدّر
ما حبك بعد كافي ولحد هنا
أكول أنا عليك
(الـــلـــــــه اكبر)

تسلم ورد

المـــوضوع مكرر للعضــو وليـــد الشاعـــر

تــــــم النقـــل

يسلمو ورده موضوع رائع