اسوء يوم بحياتي هوه 2011\8\1

تحياتي لك الاعضاء اسوء يوم بحياتي كان يوم

2011\8\1

يوم استلام نتائج السادس

ولهل لحضه اني حزينه ودمع مينشف لحضه

لان اني دومي مبدعه بلدراسه ومتفوقه بلنسبه للصفوف وبلنهايه معدلي يطلع89 وماجله احياء يوم بحياتي ما انسا حتى هسه اني شبه معزوله عن الناس من صدمتي ومع العلم مقصرت بلحضه بلسادس ولا اهلي خطيه اختارولي احسن اساتذه وهمه هسه

[ندعوك للتسجيل في المنتدى أو التعريف بنفسك لمعاينة هذه الصورة]

والله كان شكلي مثل هل السمايل وقت الي عرفت بي ما اكلكم شنو جان رده فعلي

ومع هذا اني اشكر ربي على كل درجه وكل نعمه منه وهذا امره والشكر لله

ســـنــــــــار
جائز ان تكون من محاسن الصدف
انا ايضا نفس الظروف ونفس المشكله التي اعانيها
بقيت متفوق في حياتي كلها وبكل مرحله من مراحل دراستي
واعفاء كل سنه وبلتالي السادس اصبح محطه توقف بلنسبه الي
والحمد لله على كل حال
كل واحد ياخذ نصيبه من هاي الحياه
لا تبجين بعد والحياه لا تتوقف هنا بل ساريه بكل جوانبها ابدعي بلي انتي بي هسه
والله الموفق
تحياتي

ســــــــــنتر

الغـــــــاليـة

حبي اني حاسة بيج ولله

اني حجيت كومة وياج واني وانتي انظلمنة بلمعدل

بس ارجع واكول

(((وعسى ان تكرهوا شئ وهو خير لكم وعسى ان تحبوا شيئ وهو شر لكم))))

كلتهة لنفسي والج

انشالله تتوفقين بلقسم الي راح اتفوتيله

ولو مو وياية بس اكيد احنة خوات ونظل خوات

عمري شيلي سالفة الحزن واقري الاحياء واثبتي نفسج بي

انتي صاحبة ارادة اعرفج

الارادة اتسوي كلشي والايمان بلله والتوكل عليه يسوي المستحيل واني اكبر مثال على هذا الشي

ودخولي للامتحانات واني ممخلصة مواد بس سبحان الله جاوبت على كد الاسئلة

ارضي بلي انكتبلج ولله موجود

((((بعدين بابا اذا صرتي طبيبة اتصيرين معقدة والمناظر اتصير جعب بطل مدكوليلي منو حيكلبج بذاك الوكت ههههه اني ازوج جهالي وانتي تضلين ))))

لتضوجين روحج ولمن تقرين هذا ردي خابريني وكوليلي حبدي احياء واقراه زين اوكي؟؟؟؟

تحياتي عمري

تحياتي الك ياسلطان واني اشكرك كلش ع مرورك وع وكفتك ويايه بهل الايام وياربي دوم يخليك النه

تحياتي الج ياساره وانتياكثر وحده تدرين شلون تعبت وانتي هم اشكرج حياتي ع وكفتج ويايه واتمنالج كل الموفقيه وان شاء الله نظل سوه

[ندعوك للتسجيل في المنتدى أو التعريف بنفسك لمعاينة هذه الصورة] وان شاء الله ابدي اقره احياء بس ادعيلي تروح مني هل الازمه

والله حقج لعد اني مكضيهه كلله اعفاء من الاول للخامس وتالي طلع معدلي 79 واني ولا متوقع هذا الشي اصلا رضيت واني الممنون لان هاي قسمة الله هوة كاتب هيجي يصير ولهذا لتزعلييين وردة انشاءالله الحياة كدامج

تحياتووووو

[ندعوك للتسجيل في المنتدى أو التعريف بنفسك لمعاينة هذا الرابط]

ڳل من يڳرهني أمامڳ خمسةأصآبع خير ٲڷآمۈڒ أۇسطهآ

تحياتي الك سليل ومشكور ع اهتمامك

والصراحه تعلمت

بان كل واحد كان بحياته متفوق نهايته ميوصل الي يريده

وطبعا احب اكلك الف

مبرووك وطبعا ماعدنه اي اعتراض ع حكمه

هلاوووووو الف مبروك اختي الغالية سنار ومعدلج كلش عالي بلنسبة لباقي المعدلات وربي يوفقج لاتزعلين متسووة والله تحياتي الج يا اغلة اخت والف الف مبرووووك ويارب التوفيق بكل امور حياتج طبعا تدرين اكثر شي اتذكر بلدردشة شعار الكشافة ههههههههههههه تتذكرين

حبيبت كلبي سنوره ياغاليه ولايهمج
هذاامرالله ولامرادلقضاءالله
ياربي احسن كليه تطلعلج من كلتي الحمدالله متدرين الله شكاتبلج
ادري صعب صح حبي بس ماريدج تنقهرين قسمة الله ونصيبه واهم شي مقصرتي حبي
ياربي السعاده دوم الي تجيج بس

[ندعوك للتسجيل في المنتدى أو التعريف بنفسك لمعاينة هذا الرابط]

سنو حبي حقج والله تضوجين

بس كلشي قسمة ونصيب

وهسة طلع قرار اللي يريد يعيد اي مادة بيهة ناجح هو بس معاجبتة الدرجة

يكدر يعيد

ياريت يفيدج هالقرار

اني شفتة على قناة بغداد

وخابرنا

وتأكدنا راح ينزل عن قريب

بس هسة هو ماشي

اوكي

تحيااتي

تحياتي الك زيودي ومشكور ع مرورك الحمدلله ع كل حال طبعا شلوون ماذكر الشعار احلى ايام كانت والله يارب يخليك النه يا اخويه الغالي

تحياتي الج هنوده الغاليه مشكوره حياتي ع مرورك الحمدلله ع كل حال يارب دووم يخليج النه يلغاليه

مشكوره موجه تحياتي الج حبي للاسف ميشملني هل القرار لان ماجله احياء

انوب القهر زاد اكيدبيهه حكمه الحمدلله منوره دوووم ياورده

هو شنو الصار

سنار أنت معدلكج 89 يعني درجة قريبة من التسعين شنو تريدين

طبيبة / يعني ناس مجروحين ومتألمين وسهر الليالي وتعب لا متناهي

مهندسة / ركض وراء العمال وصياح ورمال وسمنت وتصيرين سودة مئة بالمئة

شنو تريدين ! ! ! أقبلي بقسمتج ويفضل لو تكوين مدرسة

ترجعين ساعة معينة عندج عطلة ثلاثة أشهر وعطل آخر الأسبوع وهذه أمور تحرمين منها لو كنت طبيبة أو مهندسة

أنا أكملت دراستي وأصبحت استاذة بالكلية يعني بين قوسين حتى لو طلعت كلية كرهتيها يمكن تحبيها بعدين مثلي وتكملين وتصيرين مميزة بمجال عملج

المميز مميز بكل مكان

سلامي لك حاولي تقبلي حالك واعرفي أن هناك بعض الناس يتمنون الدراسة ولكن ظروفهم تمنعهم

اشكرك عمري افكار ع نصائح الحلوو بس اني كانت امنيتي الصيدله

بس مقهوره لان حيل تعبت وموصلت الي اريده

بس دائما اكول احسن من غيري تعلمت

ووصلت الحمدلله

لتضوجين ياعمري اني هم نفس حالتج وممأجلة فوكاها 89يعني حتة بالهندسة فرع موعالي بس هاهية شسوي هذي قسمتنا انشالله نبدع بالمجال الرح نختص بي تحياتي الج ياغالية Crying or Very sad

مشكوره حبي ع مرورج هذا امرالله والف مبروك الج

سنار...بالبداية تحياتي.......صحيح انت مبدعةلكن الحمدلله وهذاامر الله لكن حاولي تاخذين درجة 90فمافوق بالاحياء حتى تحصلي على المعدل الراقي ياراقية .........تحياتي..احمدالشاعري

تحياتي الك احمد واشكرك ع وكفتك ويايه ويارب ادعيلي اطلعهه ل90 وفوك تحياتي ودمت سالم

تحياتي لكي سنار فعلا كانت ايام صعبه و متعبه
اني طلعت معدل 80 وماجل العربي وما راضي على نفسي
وقرت ان اعيد السنه ولاكن اهلي ما يقبلون
يقولون ما تعرف شنو الضروف في السنه القادمه
واني لان قي حيره من امري

متعرفين رب العالمين شنو الرايدلج من خير

وحذكرلج تجربتي أنا أريد كلية الفنون الجميلة ولكن عائلتي رفضت لأن معدلي عالي ودخلت كلية الآداب وخلصت بمعدل 74 بالمئة لأن جنت ما أريد أترك خط رجعت للدراسة الماجستير وبقيت سنتين بالبيت جنت أنطي ملابسي لأختي لأن أشوفها تطلع وأنا كاعدت بالبيت هدومي صارت سودة من الشغل وبيوم بجيت وكلت لو أطلع لو أتخبل حاولوا أهلي يلكولي شغل بس هو الرجل بوكتنا ما عند شغل فشلون النسوان درست ماجستير وتعيينت وأصريت على دراست الدكتوراه ومرت بي ظروف لو غيري جان ترك الدراسة

وعرفي أنا أكره مجال تخصصي كلش جنت أكول أموت ولا أدرس بعد مادة كلما تدرس بيها أنت جاهل ليش أكمل بيها أنا مجنونة

لا تضعين سنة من عمرج لأن ماكو فايدة مكتوبلج كلية وحتدرسين بيها

تسلمي حبي الله يبارك بيج وافكار الله يساعدج

تحياتي الك عطر القلوب

بس الله ابد ميكطع بلعباد سبحان الله

صار شي ولا ع البال ولا سنه صار هل شي

اكيد سمعت بهل القرار

الي هوه فرصه متنسي

تحسين اي درس

تريده

فهذه فرصه متتعوض

احنه نستغلهه ونشوف الي يصير بس صدك احسن من تعيد سنه وشفت ايام متنسي جحيم

تحياتي الك واتمنى الك كل الموفقيه

والف مبروووك

وان شاء الله المعدل يصعد

عيد

كم درس

ولتتراجع

تحياتي

تحياتي الج يا استاذتي الغاليه افكار

طبعا كلش اني سعيده بمرورج

وبنصائحج

طبعا الله ميضر عبده

وشفتي طلع قرار ولا كان بلبال

وهذه نعمه

متنوصف حتى لو فشلت بيهه هل فرصه

ولا اضوج لان الله نطاني فرصه

واكيد ينطيني الثانيه والاخ000000000

وهواي يكولون الي لتجازفين بهل فرصه ولا تعيدين درس

بس اني اكول اجربهه

حتى لو ينزل معدلي

ان شاء الله لا

واشوف علمود ما اندم طول حياتي

وتحياتي الج يا ستي الغاليه

والله يساعدج

ع كل ظرف مريتي بي

بس انت طموحه وان شاء الله وصلتي الي تريدي

دمتي منوره صفحاتي

[ندعوك للتسجيل في المنتدى أو التعريف بنفسك لمعاينة هذه الصورة]

حبيبتي سنار أنت إنسانة جيدة واتمنى لك الأفضل ومن ردودج مبين عليج إنسانة طموحة وتستحقين النجاح أتمنى لكي التوفيق والنجاح

تحياتي إلج وردة

» اسوء يوم بحياتي
» اسوء العادات في كليتنة المامون
» في نظـــــــرك ايهما اسوء العنوسه أم الطــلاق؟؟