شكوى لمن يفهم من الناس

اريد اكتب بخطي شما صعد للراس

واشچي هموم گلبي لفاهمين الناس
واذا محد سمع منهم لخليها
ذكر باقي صداه بعالم الاجراس
ولو هذا الوكت ظيم وضلايم صار
لامن يسمع ولا من يجيبه احساس
ضاع الجود واهل الجود وخلافه
وبقت بس الزلام معدده الاجناس
وراح الچان بيه يلوذ المدير
وتالي الليل عينه ما يمرها نعا س
مضاف الكرم والجود والهمه
وحيا الله على بعد الدرب تنحاس
وين اللي عليهم نامت الظلمه
غدو ا ولشاشهم حدر الرجل تنداس
حزينه الدنيا من يومن خلت منهم
وحگ الشيب لو طش بملات الرا س
وحگ الدار لو مسى الوحش بيها
وحگ البوم لو خيم عليها چداس
عگبهم فانت البيها معزة الروح
وليالي الفرح ماتت مابها الوناس
وحرام العمر ما ظلت عليه وسفه
شحيات الناس لو فگدت اعز الناس
صفت دنياك لهل الخسه مشكوله
بذمة المابهم غيره ولا نوماس
ومادامن خلت منهم فجوج البر
وصارت اسفل الناس اتسما الراس
خلي شما يصير اليوم بينا يصير

فراگ ولا مذلة الروح وسط انجا س