من يمر اسمك ~ من المميزة هند عثمان

الادارة المحترمة
تحية طيبة
من روائع الشعر الشعبي
للمميزة هند عثمان
من يمر اسمك
من احلى واجمل اختياراتها
[ندعوك للتسجيل في المنتدى أو التعريف بنفسك لمعاينة هذه الصورة]

من يمر اسمك عليه
تختنك بيه الدروب وابقى خايف
ومن يجي طاري محبتك
تسكت ابروحي السوالف
يلي بس انتة حبيبي
وعكب عينك شرد اوالف
ويلي من كد ما احبك
ما رويت وريجي ناشف

وانتة مزروع وية روحي
جلمة بطراف الشفايف
كلي ليش انا ابمحبتك حضي زالف
وكلي ليش اعيوني عكبك
ما غمض يوم الها طارف
غير بس انتة ابعيوني وبيها واكف
وغير ما اعوفن محبتك
وابقى حالف
وما ابيعك
لو جرح دلالي نازف
ما ابيعك
لو تصير انتة جرح يلجمني دوم
ولو اطيح وما اكوم
وما بعد يحلالي نوم
ولو صرت بعد النجوم
ولو اموتن هم اجازف
انتة يااول جرح حبيتة بيه
وانتة يا اجمل حنان المر علية
وانتة يل حبك مرار وبيه اذيه
وانتة يل كلك بلية
وانتة يل كلك سوالف
يا بعد كل الفيافي
شلون اصدك انتة عايف
وحتى لو اصدك عفتني
ما اصدك ما تحبني
انا اعرفك ما اضن تتخلى عني
ولا اضن يرضيك وني
وما تبيع ابيوم جلمات الشرني
وانتة من كتلي احبك
مو لعب لو عشك طايف
ولذلك
انا بالعباس حالف
ما ابيعك لو احشم الناس كلها
والطوايف
بحاله وحدة يمكن انسحب عنك
لو تكلي ما احبك ما يخالف
لكن انتة صدك انتة
انتة وحدك تبقى روحي وبيها واكف
وابقى احبك
ابقى احبك
وانا اسف
انا اسف

[ندعوك للتسجيل في المنتدى أو التعريف بنفسك لمعاينة هذه الصورة]

وتبعنا اوراق تألف الخوض في ربوع السلام
تلك محطات توانت بالورود
خضراء في اسفارها