ماريدك بعد خليني مرتاح

ماريدك بعد خليني مرتاح

أذا تلوح النجم أكَرب ألك يهواي

وكَلبي لا تجيله وتوصل الحدة !!

يالجفك ذبح كَلبي ودفنته أبليل!

تريد بكل جسارة الميت اتكَعدة؟؟

لا تفتح جرح بالكَوة خيطناه !

لو ينزف بعد متكَلي شيظمدة؟؟

لو حسبت جرح صدكَني هم تهون!

جم طعنة غدر بحشاي متوسدة؟؟

الشاعر من تجرحة ابياتة ينزفها!

جرح منك نزف ديوان وتعده!!

ضنيتك مطر واترجة منك فيض!

ما ادري برصاص أغيومك أمرعدة!!

لجلك حاربت أهلي وجميع الناس!

وسيفك للاسف بضلوعي وتحده!!

بابك منفتح للرايح وللجاي!

وانته بكل صلافة بوجهي وتسده!!

يالحبك رمل ودموعي ضاعن بيه!

وبحرك من جمر نيرانه مشتدة؟؟

لتحاول تجي انته البديت بهاي!!

ماي الينجفي متكَلي شيردة؟؟

ماريدك بعد خلي الكَلب يرتاح..

مليت العشَك والروحة والردة!!

يسلموووو نور
الموضوع مكرر من قبل
كوران و زائر
ينقل الارشيف

أحزان قلبي لا تزول.....حتى أبشر بالقبول

وأرى كتابي باليمين.....وتقر عيني بالرسول

[وحدهم المشرفون لديهم صلاحيات معاينة هذه الصورة]