ياهو الجابك ورديتلي شلون
اجيت تشوفني وبعيونك اشواك
لو شامت اجيت ويه اليشمتون
اشو صافن علي والرجفة بشفاك
رمشك ما رمش تعبت الجفون
معقولة الخجل لو تحس ندمان
هم عندك احساس وية اليحسون
لتكلي انه اسف وانة غلطان
الندم شيفيد وية الي يغلطون
الحصل منك حصل والله اليجازيك
ويجازي الناس عني شما يكولون
اجيت بياوجه وتكلي مشتاك
تره جرحك كلف لتصدك يهون
الي جانت محبتي وياك بستان
الفلح جانو مشاعر بي يفلحون
جان الماي عدهة دموع الاشواك
وصفة المعول صفة وبالحب يزرعون
زرعنة الشوق لكن خضر اشواك
الثمر سلة غدر خضر بالغصون
اغدرت بية وعفتني ابين نارين
نار من الجفة ونار اليلومون
شلون تريد امدهة انوب الجفوف
على جفي بقت أثار السنون
اكلك كلمة وحدة بصوت مسموع
وجيب الناس كلهم خليشهدون
اكرهك والله اكرهك عوفني وروح
يلتمثل تحبني وعود مفتون
لاتبجي بدمع وادور اعذار
ما اردلك بعد لو تبجي لعيون
ماردلك بعد لوتبجي لعيون