مادامك ضــــوانه نـذوب الك دمعات



وبخلكَ الشمع نتحـــــــــــمل الحركَه



منك مانمل .. نـــــزعل عليك نموت



امن يا كَلب .. دكَ يابـــــه الف دكَـه



ياشركَة نفس نشتــــــم هواك نعيش



شحلاتك يانفس .. لو عدت الشركَه



صدكَ غيرك ﭼذب بس ﭼـذبك نعديه



نخاف عليك تحلف .. ﭼـذبك نصدكَه



تنغزنه نعم .. ابره وتشـــــل جروح



تخيط مستحانه ونـــــــــــرجع نفتكَه



وترمينه بحجر ونقنـــــــع الفشخات



المؤمن مبتلى .. لاتشتكـــــي الطكَه



واخذ اعظم دليل براحـــــة الصفاف



وشوف شكَد بـــــلاء ايطيح عالنبكَه



كَلب البير احنه المايكَــــــــــول احاه



يشرّبك مــاي .. كـل ما بيرك تغمكَه



نحبك اي نحبـــــك .. لو حضن تنور



بثياب الحـطب نتمنـــــــى الك شبكَـه



رافكَناك رفكَه حــــــــــــــــمد للنواب



ياتالي العمر لاتنتـــــــــــــظر شهكَه



غنّي مروّتك .. تــدري العمر خلصان



اذينه كَبل لاتنتهـــــــــــــــــي الرفكَه