طشر اسنيني اعله طولك

اباب روحي اتلمسك لمن تفوت
وانده بصفنات عيني الغافيه باليل السكوت

عودت بيبان عيني لغير جف صوتك ابد ماتنفتح
وماتفز بغير صبحك
لنهه تدري خلاف عينك جذب مايطلع صبح

غاسل عيوني بترافت كاع خدك من اجيت
ومن اجيت
كمت احس ينزف ترافه بروحي شباج لجرح

روحي ذواقه بمشيتك

فوت بيهه استرسل بخطواط حسنك
مسرح احساس انترس صفكات الك بس ماعدت
جنت ماتسمعهه انت
مدري تدري بجثتي ماتت من فتت

سكتتهه اكبال صوتك حته صفكات الرموش

وما حجيت
حته من انت حجيت

صفنت الريه اعله خصرك
وانده انفاسي الغفتلك خاطر احجي بهاي صدكني التهيت

ومن مشيت
لااثر جلماتك صفت كاع اذني مرقد
فوكهه اتطوف السولاف

هاك اخذ سجين شوكي وبيهه كطع مستحاك

وافرش انفاسك عطر تتباهه بيه عتبت ركبتي
ابيت يلعب بيه هواك
بروح ضاكت بس هواك
باليل مايملك سواك
اخلاف وجهك يحلم يشوف الصبح

طشر اسنيني اعله طولك
فصل بكل ذكرياتي لخاطرك بدلت عرس

هنه لحضاتي اعله كدك
فيت اجن وياك جايبهن ترس

اعزف اوتار الخلك بشفاف ريشه من لخجل حمره جنحهه

واسمع الحاني البريئه
الغير رمش اذنك جذب واحد لمحهه

واسحك بكاع النفس حد ما تطلع منهه روح

واترس من الباقي مني بلهفه الكلشي حضن

فصلت عمري اعله كدك
جبته فيت وياك عمري
وكطعيت اسنيني بيدي العبرن احدود الردن

[ندعوك للتسجيل في المنتدى أو التعريف بنفسك لمعاينة هذه الصورة]

-=-لا تتخيّـل كل النــاس ملائكهــــ -=-
-=- فتنهار احلامكـــ -=- -=- ولاتجعل ثقتك بهم عميـــاء -=-
-=- لأنك ستبكي يومـــا على سذاجتكـــ -=-

أنا انثى لا اتقاسم الأشياء مع احد
أما يكون لي وحدي او اتركه خلفي.....