(( كابوس الفگر))الشاعر حاتم الهاشمي

(( كابوس الفگر))
كافي ياليل الحزن
تبقى تحوف
ويمته تطلع شمس صبحك
أمغوشة عيون الثكالى ....وماتشوف
صرنا كعبة حزن أحنه
وبينا يومية تطوف
يمته يرتاح النهار
وبيتنا ينام بسلامة
والشوارع عايشة أبجو الخريف
ويمته يرتاح الرصيف
ويلبس هدوم الاناقة
يرد نظيف
ابلاية سور أبلا علامة
ابلاية هم أبلا ندامة
والصبح چا يمته يصحى
ليا وكت سكران صبحه
نايم وطوّل منامة
نايم لحد الظهاري
وغاب ماراح لدوامة
آه ياليل الحزن ....مو كافي خوف؟؟؟
كافي متفرعن علينا
وعلفرح حايم تحوف
أسالك ياليل الحزن
شوطال ليلك؟؟؟
ماتعبت من السهر
ماباد حيلك
وجفنك يلوك النعاس
وتارسة الغفوة شليلك
ليمته نصرخ تعب حسنه
ويمته چا تطلع شمسنا
ألغافية ابرحم الكسوف
واحنا نرگب للشمس مثل الجهال
وكل عقلنا الحوت بالعهه
وبعد تطلع محال
وكل عقلنا الحوت يرهبهه
أبجهل صوت الدفوف
آه ياليل اشكثر مر بينا هم
وآه ياليل الحزن يكفينه خوف
نحلم أبٍِْسُفرتنا تفرح
وللحزن تنسى وتعوف
أتيتمت دمعتهه تجري
وصافنة بوجه الچفوف
آه ياليل شكثر مر بينا غم
صرنا ايتام ويلمنا
الجوع هم
لاكو خال يشد جرحنا
ولا كو عم
گمنه نغفه أعله البواچي
ونغبش أحنه امعبسين
أبعين رمدة وتبچي دم
ورية تشهگ
نفس آه..... ونفس اوف
وگلب كاتلته صفنته
وبيه خوف
ليش ياليل الفرح نام ابسبات
ويَتمْ الضحكة البريئة
أبوجه اولاد المحلة
وصّفن وجوه البنات
وجوه موبس صافنات
وجوه صفره وشاحبات
أطفال تبحث
بالمزابل عن فتات
والثياب أتحنت ابحنة فگرنا
وباليات.... أمرعدات... أمسودنات
وكل كتر بيهن تنيشن
بلزروف
وتصرخ ابصوت اليتامى
آآآآه يايمه البرد رجف بدنا
الفرحة صارت حلم عدنا
الدنيا صارت تمشي ضدنا
والثياب أبعازة ابرة
وخيط صوف
اللگمة صارت چنهه ضيف
ونحلم أبچاي العصاري
ونحلم نضوگ الرغيف
وأمنيتنا ابلگمة تستر علمضيف
أمضيف اهلنا.....
الچان يفرح بالضيوف
أمضيف اهلنا.....
الچان منجم للحروف
امضيف اهلنا....
الفاتح ذراعة ابرحابة
امضيف اهلنا....
الما قفل فد يوم بابه
ألواگف ابوجه اليجيه
اتهلي وتحيي الچفوف
ليمته ياليل الحزن تبقى تحوف
ويمته تطلع شمس فجرك
أمغوشة عيون الثكالى
عيون رمدة وماتشوف
ويمته يتنفس بلادي
ألما عرف من گبل خوف
بلادي چان الكل يهابه
وچانت اتهابه السيوف
ابلادي صار ابلا ارادة
ابلا قيادة
ابلا سيادة
ابلادي مرتع لليخون وللحرامي
الگضه كل عمرة يحوف
بقلم
الشاعر حاتم الهاشمي
28/4/2010

[وحدهم المشرفون لديهم صلاحيات معاينة هذه الصورة]

الفكر فكر لو علكوله فانوص
تحياتي الك كوران الكلمات جميييييييييييييييله

شكــــــــــــرا جزيــــــــــــــلا

على الكــــــــــــــلام الجميــــــــــل

روعـــــــة القصيـــــــــــدة

عاشــــــــــــت الايــــــــــادي

يسلمو المرور الحلو يا محمد الساهر

يسلمو المرور الحلو يا مصطفى

يسلمو المرور الحلو يا حسن

[وحدهم المشرفون لديهم صلاحيات معاينة هذه الصورة]

يسلمو مرورج الحلو يا ملاك تحياتي الج يا وردة المنتدى

يسلمووووووو هالابداع كوران تحياتي الك

شكرا كوران اختيار جميل

عاشت اليادي ياراقي تقبل مروري
تحياتي

و الروعــــــــة تحيـــــــــــاتي الكــــــم يا
غاليــــــن

يسلموووووو موضوع روعة عاشت الايادي
انشاء الله دوماا الابداع

[وحدهم المشرفون لديهم صلاحيات معاينة هذه الصورة]

[وحدهم المشرفون لديهم صلاحيات معاينة هذا الرابط]

ڳل من يڳرهني أمامڳ خمسةأصآبع خير ٲڷآمۈڒ أۇسطهآ

مرحبا عزيزي كوران شكرا للامانة الشعرية الكبيرة الي تتحلى بيه
تحياتي

» ضيم وقهر للشاعر حاتم الهاشمي
» القضاء على مرض التهاب الكبد الوبائي من طرف الدكتور الهاشمي
» الناقد عادل الهاشمي في ذمة الله إثر نوبة قلبية لم تمهله طويلا.