بابا نؤيل لاول مره في بغداد

بابا نؤيل يزور بغداد للمرة الاولى



مِثل ماتعرفون إنه (بابا نؤيل) رجّال حبّاب، ينطي هدايا للجَهال وللفقراء ..
المهم فد يوم (حجي نؤيل)
ديباوع بخريطة العالم چان يشوف العراق .. گال : إييييي .. هذولة خطيّة خلي أساعدهم ..

المهم .. نِگر سِلْف للعربانة مالته وچان إطِّيِر الغِزلان مال (بابا نؤيل) وإجه بيها للعراق وبغداد خصوصاً ..

بقى تقريبا ثلاث
ساعات يدوّر على بيت بي شجرة مال كرسمس بس طبيعية مو إصطناعية وماكو .. هناك چان
يخيّطها بِبريك قوي، حتى الغراض يلي بالعربانة وگعنْ واطّشرنْ ... وگام يصيح : لگيت
بيت ... لگيت نِزل بالسطح وبُقه يدوّر على فتحة مال مدخنة يفوت منها !!.. ماكو .. راد باب
مفتوحة !!.. ماكو .. راد شباچ يكسره ويفوت منة؟؟ .. مالگة .. لأن كلهة بيهة كتايب .


المهم .. فات من الفتحة
مال المبردة وحطْ الهدايا يم الشجرة وطِلع .. أول ما طِلع چان يسمع صوت واحد يصيّح حرامي !!!..
وعينكم ما إتشوف الاّ النور .. إشتغلتْ الطلقاتْ والبيكيسياتْ وحتى قاذفات وهاونات .. كلها على هالرجّال
المسكين .. وهوّه ظل يركض مِن بيت لبيت، ومِن سطح لسطح، ما يعرف شنو الفلم .. عباله صارت حرب .
والتمّت المونيكات والهمرات والحرس الوطني والشرطة ... واحد يگول شفتة بطنه چبيرة لأنه لابس حزام
ناسف !!.. واحد يگول العربانة مالته مفخخة . هناك چان يچيّت عليه واحد، وكمشه .. وسحله من لحيته
للمركز طبعا بعد ما شبع كتل بالطريق ..


وبالتحقيق محد صدّگه وكل ميفك حلگه .. يجي راجدي .. وبعدين
زينوه صفر وصار بس راس
وأخذو موبايله وچانت بجيبه أربع أوراق ونص هم أخذوهِن .. تالي طلع بالگوّة، گالو :
رجّال چبير . رجع (بابا نؤيل) للبيت يلي نِزل بالسطح مالتة لگة العربانة ماكو.. سِئل جاهل گله : شصار
من العربانة؟؟ ... گله الجاهل : الغراض إلي بيهة إتحوسمتْ كلها، سأله (بابا نؤيل) زين الغزلان
وكلتوهن؟؟، گلّة يا غزلان عمي؟؟ هنّة چم حمار وعربانة مكسرة إجو أخذوهن الدوّارة أهل الطحين
وراحوا . ويدكهة الرجّال مشي من بغداد لبيتهم حتى فلوس كيا بجيبه ماكو وگال وية روحه : آني أجي
لبغداد بعد !!!!! المهم وهو بطريق الرجعة وما يعرف شيسوي طگت يمة مفخخة چان ينشمر ويوگع
بالكاع، وإتبهذل ... صفن وگال : وِلكَمْ شكو شنو صار؟؟ حقه ما يعرف شنو مفخخة .. وگوة فهموا شنو مفخخة ليست ألعاب نارية. كمّل
مشي الرجّال وبالصدفة .. وهو بطريق الرجعة كمشُوه جماعة .. وأخذوه .. وهمْ عذبوه وگلوله : إنته منين؟؟
سني لو شيعي؟؟ .. گاللهم يابا آني (بابا نؤيل) أوزع هدايا للجهال
كللوله : لك هاي عليمن؟ لك شوف لك بلتيقة ثانية انت شنو ناصب علينه !!!...
وجوي ديذبحوه، ويه مديذبحوه چان تجي الغزلان والعربانة ...
طلعوا فالتين من بغداد وبالكوة چلّب بيهن وفلت ...


المهم هوة عباله إرتاح
وگال : الحمد الله جتّي على هيچ وبس .. بعده ما منَجِّم بالسِما، چان يجيه (سِترِلّه) من هذا الحنَيّن ويضرب
العربانة وإشتغلت السبعة وخمسين عليه ودوشكات تمشيط جوي... حرگوا الجو حرگ على الرجال المسكين .. المهم
هوة مدري شلون إنشمر فوگ غزالة من غزلانه وچلّب بيها وفِلتْ وراح لبيتهم بالقُطب المنجمد الشمالي زين شواربه ولحيته
وقدّم استقالة من هاي الشغله التعلب النفس..
وهسة هوه كلش تعقد وصار عنده ارهاصات فكرية وأعصاب ورعصات
وصار كلّش يكره الجهال وما يحب الهدايا وبس يباوع أفلام رعب واشترى مسدسات ورشاشات ويفكر لو بالكبسلة لو بالكبتنة
ويصيح .... وين يروح المطلوب إلنه
طاخ طاخ
--------------------

[ندعوك للتسجيل في المنتدى أو التعريف بنفسك لمعاينة هذه الصورة]
يسلمو سلفو ع الموضوع

بس ختية بابا نويل اهئ شسوو بي

ههههههههههه اني ميت من الضحك الرجال اجه لبغداد ومخلصان هههههههه

هههههههههههههه زمن والله لحد الان ميت من الضحك

[ندعوك للتسجيل في المنتدى أو التعريف بنفسك لمعاينة هذه الصورة]
يسلمووووووووووو

هههههههه شكرا جوجو

حتى الرجال اجه هنا ومخلص منه ههههههههههههه

هههههههههههههههههههههههههههههههههههههههههههههههههههههههه عاشت ايدك سلفو على هذا الموضوع الي يضحك ولك والله لا عاب حلكك خطية عبالة احنة خوش ناس والله حتة لو يجيبون ماما نؤيل مو بس بابا نؤيل ميفيد ويانا

ههههههههههههههههههههه لو هسه يجيبون جد جد نؤيل وشكرا اخي عل ردك الرائع

يسلمووووو بس ختيه هو عاف الدنيا واجه هنا

شكرا شهد عل رد

يسسسسسسسسسسسلموا سلفو يا راقي
تحيااااااااااااااتي الك

تحياتي

هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه سلفتر يعني بابا نؤيل ذهب مع الريح والمطر

[ندعوك للتسجيل في المنتدى أو التعريف بنفسك لمعاينة هذه الصورة] هههههه تحياتي موضوع جميل

تحياتي

[ندعوك للتسجيل في المنتدى أو التعريف بنفسك لمعاينة هذه الصورة] هههههههههسلفوو يسلمو واللة تضحك

هههههههههههههههه حلوه بس البارحه مو اجاني جابلي مصاصه وراح ههههههه

تحياتي