ذبلت شفاف القصيدة

(( ذبلت شفاف القصيدة)) بمناسبة استشهاد امام الحق الامام الحسين عليه السلام

ضم الجروح أعله صدرك خلهه تدفه

الدنيه ليل وبعده بردان الجرح
...

انت بجروحك شمس من قدرة الله
شيگدر عليهه الملح
..

ياحسين الليل اكل وجه الصبح
...

ومطرت سهام الخيانه

وخضّر بصدرك رمح
....

والدنيه ذبلت
كلهه ذبلت
حته مهر الگاع يبست غيرته
وذب اللجام
...

وعفيه صدرك هاكثر بيه مستحه
يشيل السهام
....

وعفيه خلگك خلگ غيمه
لوحدّك بالطف بقيت وتمطر جروحك زلم
....

وسافرت گوه القوافل
....

ووحشه صار الطف عليك
....

ورجفت شفاف الحلم
وانت وحدك والتراب وليله ظلمه
وعطش ذبّل ماتبقى من الورود
....

وعزفت الريح أعله اوتار الجرح

لحن الخلود
.......

الليل والنجمه وتراتيل الگمر
....

والصبح والشمس
والدم والمطر
......

كلهه غنت للحرب من زفتّك
وكلهه ذبلت لمن ذبلت شفتّك
....

وسيرّت أمك عله الطف الكئيب
دمعه أجتّك بايت الليل بضلعهه
...

ويم عرس جرحك دمع خضّر شمعهه
....

وضحكت جروحك بوجه الزهره نور
....

وّگفت الگاع شيقنعهه وتدور
!!

وجابت العبّاس يمك
گامت تلولي عليكم
/
أسم الله يبعد أمكم يغالين
أسم الله يبو فاضل يالحسين
....
وباست العبّاس بعيونه وبچت
...

وطاحت الدمعه محنّه عله الجرح
..

وشمتك شمه عله صدرك

لمن طاح الليل بفراش الصبح
....

وسولفلهه الطف عليكم
من وگع عباس من وگفن خواته
....

وسولفلهه العطش عنكم
لحد مايبست لهاته
...

ويالسان اليگدر يوصل معاناة الحرم
ويحچی عن مأساة زينب

كلهه سكته
الليل والشط والحمام
كلهه سكته..الدنيه خوف

وسولف الدخان بوجوه الخيام
....

وكتب ذكرى أعله الافق

ذكرى عاشوراء في يوم أنتصار
الدم على بحر السيوف
...

المصادف يوم ملحمة الچفوف

الموافق جيش (إسلامي) عبر حد الحلم
...

المصادف بت علي داست على رگاب الزلم
....

الموافق رادوايخضّر يزيد من الجرح
المصادف خضّر العبّاس گوه عله الملح

المصادف بقت جثه بلايه راس
الموافق ثبتت للدين أساس

الموافق جربه كاتلهه العطش
المصادف خضرّوا منهه أثنعش

في شهر اسمه محرم مو محرم بيه قتال
لا محرم عالعطاشه تضوگ گطره من الفرات
..

في نهر عطشان غيره وشرب من رگبة طفل
...

في سنه واجب نسميهه العطش
ذكرى نار وموت وعيون وملح
وذكرى وردة طفل طاحت بأول صيار الصبح
...

وذبلت الورده ندى بچف الحسين
وذبلت شفافه قصيده

ونزلت دموعه عله ايده

وسگه الورده وخضّر العباس بچفوف الحسين
وذكرى ملحمة الأخوّه ..القارعه ..النصر المبين
وذكرى كل ورده التطگ تطلع حسين
وتذبل ويتبدّه عبّاس وجربته
..

ومن جديد تخضر الورده حسين
ومن جديد تخضر الورده حسين

الشاعر ميثـاق الهلالـي

نقل مميز

عاشت ألايادي

بارك ألله بجهودك زمـــــن

شكرآ زمن على الموضوع و الكلمات المؤثره
ودوم الابداع و تحياتي الك يا ورده
عظم الله ااجورنا واجوركم باستشهاد
سيد شباب اهل الجنه الحسين عليه السلام

شكرا خيو حيدر ع الرد المميز

تحياتي

يسلمو خيو مصطفى ع مرورك وردك الراقي مثلك

عظم الله اجورنا واجوركم

الحسين هو درب الدنيا الى الاخره وليس درب الدنيا .. ..

الحسين هو معراج المعالي .......
وامطار نزلت لتثمر لا لتسقي .......

...وليس مَــلك الأرض أنما تاج السماء .........

الحسين هو معجزة كل الأنبياء لمحمد
----------------------------------------
شكراااا زمن قصيده روعه
عظم الله اجرك

[ندعوك للتسجيل في المنتدى أو التعريف بنفسك لمعاينة هذا الرابط]

عظم الله اجورنا وأجوركم بهذا المصاب الجلل

يسلمو العراقي ع المرور و الرد

تحياتي

كذب الموت فالحسين مخلدا ................. كلما مر الزمان ذكراه يتجداا
يسلمووو على القصيده
تحياتي

يسلمو طائر ع المرور و الرد

تحياتي

يسلمو زمن على الموضوع المميز يا راقيه
عظم الله اجوركم
تقبلي مروري
الف الف تحيه ورده

بسم الله الرحمن الرحيم
اللهم صل على محمد وال محمد
بارك الله فيكم
ابداع بحق ابو الحسنين عليه السلام
ماجورين
جعلها الله في ميزان اعمالكم
رحم الله والديك
شكرا بنت المدني تحياتي تقبلي مروري

عظم الله اجوركم

خيو اسامة ع المرور الراقي

تحياتي

كناري الحب كتب:: بسم الله الرحمن الرحيم
اللهم صل على محمد وال محمد
بارك الله فيكم
ابداع بحق ابو الحسنين عليه السلام
ماجورين
جعلها الله في ميزان اعمالكم
رحم الله والديك
شكرا بنت المدني تحياتي تقبلي مروري