مايحتاج اعراف وانته تعرف زين

ما يحتاج اعرفك انت تعرف زين
تعرف كلشي بية واعرف شبيك

وما يحتاج اكلك اني احبك ليش
تدريني وي روحي اني اغار عليك

صرت انت السفينة واني سفان
وغيري اعلى الجرف ياهو اليرسيك

غيرك ما اريد ولا احبن غيـر
وغيري اعلى الحزن ياهو اليواسيك

احبك خاف اكلك وتكلي جـــــذاب
واقصر خاف اكلك ما اوفيــــك

سولفلي اعله حالي واسال ارجوك
وسولفلي عليك شبيك ما بيـك

هم كلبك يحن من نفتركَ لحضات
وغم ذال الكلب لو ما يحن عليك

شعلت روحي شمع وبظلمة تالي الليل
واطفي شموعي كلهة وبس اضويك

خليتك دمع وبساعة الضيـج
ابجي دموعي كله وما ابجيك

اعطش من اشوفك وابتسم حيل
واظل عطشان مني واني ارويك

ما ارضة بزعل وماازعل وياك
وازعل الدنية كلهة وبس اراضيك

الشارع مو امان والناس كلهة حلوك
وادز روحي وي كلبي وعيني تحميك

من طبعي شرس وتخاف مني الناس
بس منك اخافن من الاكيك

تحياتي الكم مصطفى الجبوري

ينقل الى الارشيف
السبب موضوع مخالف لقوانين القسم
3 مواضيع فقط بنفس اليوم و نفس القسم