سجل حضورك باخر تحشيشة..................... ارجو التثبيت

هليييييييييييوووووووووو

شلون الحشاشة ؟؟
شلونكم بعد ؟؟
بعد شلونكم ؟؟
زين هسه شلونكم ؟؟
زين قبل ما اسألكم شلونكم شلونكم ؟؟
يابه بكيفكم اني شعليه
المهم
شلونكم خخخخخ
هم المهم
ايكولون اني مشرف على قسم التحشيش
والله اني ماادري هذا حجي الاخ فنتورا
هسه المهم
اسألكم سؤال قبل ما ادخل بالموضوع المهم
الحشاش شكد عمره ويموت ؟؟
وفنتورا شكد عمره ويتزوج ؟؟
هااااااااااااااااااااااا ؟؟
الجواب اريده رسائل خاصه لان هاي قسمه
خوشششششششش
واريدها وره المباراة يعني لعبه مال المنتخب مال العراق مال الطوبه مال السعوديه مال العدنان مال الدرجال مال الفييرا
خوشششششششش
هم المهم
اريد منكم يا حشاشه المنتدى الموقر ( موقر الزواج )
ان اتسجلون تحشيشاتكم اليوميه هنا
نضرا على انو انتو حشاشه مو لو مومو ؟؟
حته نعرف منو حشاش صدك ومنو من جماعت الكوبي بيست ويا مكثرهم
اللهم احرق جماعت الكوبي بيست يا الله
اللهم ابعد عنا الحموضه والفسكانين يا الله
اللهم جنبنه شر المنقول والمحذوف والبريكي ابو زلوف يا الله
اللهم احذف copy & paste من الوندوز xp يا الله

تح تح حب حب تح تح

[center][center][center]السلام عليكم كلش فد مرة و تحية شكرة عيونها ملونة اشمرها عليكم بيديناتي ال 2 بكل ود و محبة (محبة و زقاق و رقم الدار) ,, اليوم تكافخت على علباتي يد الاقدار و شائت الطبيعة ان تلزكني بعفطة ,, اليوم جان يوم ماكل تبن منضب من بدايته ,يوم مجلوق الجهرة كخشم خنزير سمعته مو زينة بالمنطقة , كعدت الصبح لكيت جوارينة طاكة عليه قنينة الغاز و ميت ,, و مرته امشككة هدومها و تلطم و تعيط و اتصيح شلون راح اطبخ شلون راح اطبخ ,,و الناس نقلو القنينة بسدية للطواريء مال ابو اقلام اما ابو البيت الميت فلولا دوار ابو عتيك يوديه لاقرب خرابة جان لي هسة مشمور بالحديقة ,, و المشكلة متمدد قيراج بالحديقة بحيث جهالة خطية يقهرون ما يكدرون يلعبون طوبة ,,

الظهر قررت اطلع اجيب كنافة من محلات الحجي ناظم كحكح ,هذا عمرة 88 سنة و اول من دخل اسمه دائرة التقاعد ,طلع تقاعد و فتح محل حلويات ,حلوياته طيبة , ما اعرف احد اكل منه و مات , احتمال لان اكو مستشفى قريبة بس ما متأكد اكو علاقة , ركب وياية صاحبي لملوم حتى اذا عطلت السيارة اعوفه بيها و ارجع بتكسي ,, هم اخلص من السيارة العاوية مالتي و هم لملوم ينحبس لان اوراقها بأسم ابوية , المهم اول ما ركب وياية لملوم كلي :

- أكلك هاي سيارتك شعجب بيها سلايد؟ موديلك ما اجي بي سلايد
- هاي هاون وكع عال سيارة فات من القمارة مرة يا اطرم
- اوكي اوكي

لملوم:
- أكلك
- شكووووو
- ذولة المرور يمكن ضموهم عال اللجنة الاولمبية
- ليش ؟؟ لا تابعين لدائرة المرور
- لا للجنة الاولمبية مسلميهم مضارب مال كرة الطاولة
- ابني هاي اشارات مال قف و هال سوالف حمرة و خضرة بدال الترفكلايت اللي صارلة فترة شمعة فكر بالشارع ,, يا مضارب يا داطلي؟

هم سكت ,, و كام يفتح بالجكمجة و يمد راسه جوة اكله شدسوي يكلي لا اتفوت دا ابدل ,,
بالله هذا شحطلة و يطيب؟ نوة مال ركي؟
- أكلك دا اشوف ريحة طيبة ,, (هذا لملوم)
- لك مطي هو العين مسؤولة عن الشم يا ثور؟ (اني )
- لعد شنو؟
- ليش ما تعرف؟؟ الكبد طبعا
- المهم اكو ريحة طيبة مال معطر انتة خاللها معطر للسيارة ؟
- اي

باوع لملوم هيج ,, اطلق صيحة عالية بحيث الا شوية من الخرعة شعر خشمي يوكع ,
- لك بابا شبيك؟؟
- لك هذا معطر مال حمام مو مال سيارة انتة مخبل ؟؟

و اني هم اكول ليش ابو الحرس سالني سيارتك شرقي لو غربي ؟ يمكن مشتبه بيها شطافة شادلها تايرات ,, و اني كتله طبعا شرقي لان عبالي ديسال عال وارد وهي وارد خليجي ,,

رجعت العصر ورة ما جبت كنافة ,, (الكيلو ب 13000 اشتريت ربع قطعة ب 500 حتى من احلف اكول و وداعة هال نعمة) رجعت للبيت (اي قابل ابات بالشارع احضن طسة و انام) لكيت صاحبي طمبوق (هذا اسم صاحبي ترة مو اسم حضانة بالشيشان) منتظرني يريد يداين مني قاط لان عندة فاتحة بنادي الصيد ,, يعني شلون كراوي تعبانة , اكله القاط متوفي هم عيب ,, أكذب عليه و اكله عند الاوتجي غسل و تشحيم ,قصدي غسل و كوي , هسة يكلي شوفني الوصل ,, المهم شوفته القوط كتله تريد النيلي لو النيلي لو هذا النيلي لو عوفك من هاي كلهن اكو واحد عندي نيلي يخبل ,, لو اتحب تلبس النيلي اللي صارلي فترة ما لابسة؟ (اكيد عرفتو انه اني ما عندي غير قاط واحد نيلي) ,, طبعا طمبوق كلش نحيل و نحيف و كصيف (ادري كصيف شنو هو ولد لو رصيف) و كصير بحيث جنة ابرة مال لحاف , مرة اجاني اتعاجزت افتحلة الباب كتلة فوت من جوة الباب و سدها وراك (علما الباب مسدودة) ,
طمبوق هو اخر واحد يحس بالمطر لان ساعة يلا كطرة المطر اتطخ بصماخة العامر اللي جنة كونية مال سمنت ,, من ينام يتغطة بالرباط مال ابوه,, المهم , اخذ القاط و وداه للخياط الخياط صغره و بالقماش اللي بقة فصل خيمتين و 5 فانيلات و جفية , هاي كروة و هم خلصت منها بهال يوم الاكشر

مع تحياة ملك زماني[/center]
[/center]
[/center]

[وحدهم المشرفون لديهم صلاحيات معاينة هذه الصورة]

عاشت اليادي ياراقي تقبل مروري
تحياتي

شكـــــــــرا جزيـــــــلا
عـــلى المــــــــوضوع الجميـــــل

عاشــــــــت الايــــــــادي تقبل مروري المتـــــــواضع

[وحدهم المشرفون لديهم صلاحيات معاينة هذه الصورة]

[وحدهم المشرفون لديهم صلاحيات معاينة هذه الصورة]

شكرا على الموضوع سليل
وشكرا على التحشيش ملك
خخخخخخخخخخخخخ

» المطاردة الشعرية... ارجو التثبيت
» كيف تكون مناقش جيد... ارجو التثبيت
» ح ــملة (حجابي عفتي ) ارجو التثبيت