قصيدة عن فقدان الاخ

بنادق مهجتي معبأ فشقها و الغلا نيشان
أبا طلق روحي في قلب القصيد وأنبض أبياته


أبذبح حزني من أقصى الشعور لأول الإخوان
وأسيل عمره وتشرب عيون العمر دمعاته


وحيد ولا معي إلا أخوي بداخلي غفيان
ترفرف ضحكته وأطلق نعاسي لصبح ضحكاته


في بالي أرقد وأدري حزين وشارد وبردان
وأنا أنثر برده من فوق الخيال وجمر سجاته


ينام وأعقد بعين الأغاني جمرة التحنان
ينام وأعقد بعين البداية كل نهاياته


يدور قلبي تتفتت ضلوعه يطحنه حرمان
يجوع القلب يحضني في جوعي وأكل فتاته


وأطل من الألم أحضن حياة الشارع الولهان
يلملم حسرتي ويكسر وجودي بشوق إضاءاته


تعبت تمليني طعون تصب من خنجر الخلان
تعبت تستنزف عيوني دموع العين طعناته


ياخي أقعد الدنيا رمت من تحتي النيران
وهذا العمر ما يحمل بجوفي إلا انكساراته


ياخي ليه تغيب وليه تتركني وأنا شقفان
لقر من يقلب جبال الهموم بعزة إثباته


أعرفه لا وصل كنه صقر من صفوة الويلان
يكش جلد السما إن شافت مخاليبه وهداته


رجالاً تربط حزام القبيلة وتنفلت شجعان
وأخوي يربط رجال القبيلة حزام هقواته


كريم(ن) ماهو من يبني فعايل صيته بديوان
في صدره دلته وهيله وفناجيله وتمراته


إذا كان الكرم حمس الهلا في مهجت الضيفان
أخوي من حمس قلبه لضيفه وصب فزعاته


وكم تكف كرمت بين البشر ممزوعه الوجدان
أخوي قبل لا ترمى عليه تقط نخواته


حزين السيف بكفوف الأوادم طافي ذبلان
بعد ما نام دم اللي سقى فعله وومضاته


ياخي أقعد وقعد خضوعي بداخل الشريان
تنام ولا بقى هم(ن) قطف من دمي غفواته


غريبه وشلون يكسرك الغياب ويغلبك نسيان
ودفتر جيتك ياخي طوى من عمري صفحاته


يجيني مدري ولا لكن أعرف لا وصل جيعان
قسم وإن جاني لأنحرني لجوعه تحت خطواته


وصل زواله هذاك اللي وصل ما يشبهه إنسان
هذاك اللي وصل شايل عذاب العمر وآهاته


وجيت ألحين ياخي بعد ما شالتك أمتان
بعد ما ودهم غسل الجسد عن كل نزواته


ابد لا ينغسل هذا الشهم مغسول بالفرسان
أخويه من غسل روح الجسد في طهر نياته


أيا دفان دخيل الله لا تدفنه يا دفان
دخيلك خلني أدفن في بالي جمر بسماته


وهف بسماته من هذا المكان لأخر الأحزان
وأنا أطحن موته في جوع الكلام وأخبز سكاته


أنام وشلون لا صار الإخو جايع وأنا شبعان
أخوي اللي كسر قلبه لجوعي وجاع لحظاته


أخوي اللي يمزمزني معاليقه إذا عطشان
أخوي اللي ثنى عمره من أجل أطلع مسافاته


يدين القبر ضمني وسط حضن الأخو نعسان
أبرقد دام لي قلب(ن) دفن وياه نبضاته


أكيد أنه وسط قبره سمع طق الخطاوي الآن
ألا ياليت أنا المدفون وأنا أسمع طق خطواته



منقووووووووووول



تحيااااااتي لكم جميعا
اوسكاااااااارر

يسلمو اوسكار عن جد فقدان الاخ شي صعب بالاخص اذا كان طيب التعامل

سسسححح سالي كللللللش صعب وان شاء الله محد يمر بهذا الموقف
يسلموووووووو سالي علة مرورك نورتي الموضوع
تحيااتي الج
اوسكااااررر

تسلمين حبيبتي اوسكاار

وربي يرحم الجميع
وقصيدتج روعه لانها قلبت عليه
فراق اخي الكبير

الله يرحمه
[ندعوك للتسجيل في المنتدى أو التعريف بنفسك لمعاينة هذه الصورة]

مشكوره عينااااي

الله يرحمة ويسكنة فسيح جناته ويرحم الاموات جميعا ويصبركم على فراقه ويصبرنا اللهم امين
حبي مي
تحياااتي الج حبيبتي نورتي الموضوع
اوسكاااررر

مشكوره على القصيده الجميله ياورده
وبانتضار جديدك
تحياتي