ضيم وقهر للشاعر حاتم الهاشمي

((ضيم وقهر))

سبت صارن علينه أيام الاسبوع
[size=25]وعلينه اتشابهن كل الاماسي
لأن نفس القهر والهم والاحزان
دموع تسيل وآهات ومآسي

صبرنا هواي صار بلوعة النار
وبس همنا ألفزع النه ويواسي
ألوطن صاير سفينة بغير ربان
وأخذنه الماي واحنه بلا مراسي

أخذنه البحر حطنه بذمة الروج
دخيل الله يروج شكثر قاسي
وحكومتنه التهت بس بلخلافات
ولاهمهه ابد غير الكراسي

صفينه بهلوطن بس الشعارات
لأن صار الچذب مبدأ سياسي
وفساد هواي في كل الوزارات
ودخل عدنه وصبح منهج دراسي

بموسوعة گينس حطمنه الارقام
وبأسمنه تسجل الرقم القياسي
ألهرم معروف عنه باربع اضلاع
بس يمنه الهرم ضلعه خماسي

وكل عمره المربع بربع اضلاع
غريب وعدنه بس ضلعه سداسي
تعبنه من الچذب ونريد نرتاح
وراح نثور احذر ياسياسي

جبناهه ركض ومسابگ آلاه
نسانه الفرح صار سنين ناسي
يتامى هواي عدنه بعد الاشجار
وأرامل لو تعد تتعب تقاسي

بعنه افراشنه بسوگ المگاريد
وِنزّف همومنه بموكب رئاسي
وبعد شنهو ألنبيعه ونقهر الجوع
ضلينه بطرگ بس الجناسي

واحنه اهل النفط واهل الحضارات
وكسرة اعله الشرف بيه الجناسي
خزي والله عليك ومنته معذور
وتظل مشكولة ذمتك ياسياسي
وتظل مشكولة ذمتك ياسياس[/size]

شــــــــــكرا جزيــــــــلا
عـــــــلى الموضـــــــوع الجميــــــــل

و الروعـــــــــة عاشـــــــت الايــــــــأدي

تحيـــــــــأتي يا ورد

شــــــــــكرا جزيــــــــلا
عـــــــلى الموضـــــــوع الجميــــــــل

و الروعـــــــــة عاشـــــــت الايــــــــأدي

تحيـــــــــأتي يا ورد

نورتني ابمرورك ارثر
تحياتي

السلام عليكم
ارجو من المشرف او المشرفه
حذف هذه المساهمه وذلك بسبب عدم الوضوح
مع فائق شكري واحترامي

تم

[وحدهم المشرفون لديهم صلاحيات معاينة هذه الصورة]
أين تتسكع السعادة .!!

تم النقل للأرشيف
-----------------
السبب موضوع مشوش وغير منسق ومافيه وضوح
شكرآ جزيلآ