ابن يجذب على ابنه .......... جذب وببلاش

بسم الله الرحمن الرحيم
شوف الكذب وانطيني رأيك


1
ابني اني من جنت بكدك طالب واشتغل اروح للدوام من الصبع وراها اروح للشغل بال2 واخلص شغل بالخمسة اروح اقرة جوة عامود الكهرباء الي على الشارع العام للحد التسعة وراها اروح للشغل الثاني وابقة كاعد للستة ونص واكعد بالسبعة اروح للدوام
...............................

2
................................



هسة نجي على الكشخة والترتيب من تشوف ابنك كاشخ ويريد يطلع وانتة لابس دشداشة مشكشكة وكاعد على كرسي بالحديقة تراقب نمو النخلة وجم تمراية بيهة ..اكيد راح تضوج فاتكمشة بشوية همبلة وتكلة ابني هاي شنو شلابس شنو هالخربطة شلابس ..اني من جنت بعمرك جنت اكشخ شاب بالمنطقة جنت من افوت بشارع البنات كلهن يوكفن يباعن علية .ولا تشوف كرعتي هسة كاعد تلمع ..جان شعري اخلص عليه اربع قواطي جل يالة تكفي ..واسئل امك شلون كتلت روحهة علية


(طبعا لا كشخة ولا شي كاضيهة كلهة حضر تجول ولابسين نعال مكتوب عليه 2005 معاد وبجامة مخططة وشغلة مال اول .
....................................

3
......................................

هسة من تكعد يم ابنك وهوة كاعد يسوق ...راسا كلة ليش المسجل هيج عالي ..وشنو هال سياقة ..باباتي اني من جنت بكدك جنت امشي بين الدبابات والهمرات وجانت الاباتشي طير فوكايا وما يلحكون بية وعلى شرط بطسة وحدة ما افوت ومرة جنة على طريق العمارة وصاحبي كاعد يسوق وجان اكلة دير بالك ترة اكو بطريق البصرة بسمار وبصفة نملة كاعد تعبر وجنت كلة اسمع مساري ورعد الناصري وكلة سفرات ما بقيت لا شمال لا عمان لا سوريا لا لبنان تعتب علية ومرة جنت اني وصاحي على الخط السريع وهستوني مفول السيارة وسوالف سوالف وحجي وما نشوف نفسنة الا على حدود افغان ستان وباكستان .انتة راح تشوف ملامح ابنك مال واحد مدا يسمع ومنطيك الطرشة فاتاكد انه امه كلتلة ترة ابوك يهنبل

يسلمووووو يا وردة
ع

عاشت اليادي ياراقي تقبل مروري
تحياتي

عاشت اليادي ياراقي تقبل مروري
تحياتي

يسسسسسسسسسسسسسسلموا
على المرور الراقي

يسلموووووووووووووووووووووووو

يسلمو ههههههههههه
جذب خرافي

يسلموووووووووووووو

ههههههههههههههههههههههههه سليل حلوة