نبذة عن (الأبوذية)

نبذة عن (الأبوذية)

وهي كلمة مركبة من (أبو) أي صاحب، ومن (ذية) وهي مخففة (أذية )فيكون معناه (صاحب الأذية)
و الأبوذية استخدمت فيه سائر أغراض الشعر وهي 1- العتاب 2- التوجع 3- الحماس 4- المديح 5- الرثاء 6- الغزل 7- الهجاء 8- المراسلات 9- السياسة 10- الاجتماعيات 11- الألغاز 12- الفلسفة .
وفيها نماذج عديدة ومتعددة من شعر الابوذية .

.....الأبوذية
وسط گلبي يظل طابع وسمهه
عسل صافي حلو مرهاوسمهه
صفيت متيه باسمي وسمهه
لان هيه النجم واني الثريه.....
*****
افرح لوصرت يمك وجن بك
وازعل عني من تبعد وجن بك
الكمر يتمنى لويصبح وجن بك
لان الكمر منك نال ضيه .....
*****
حلاوة وطيب للياكل من تمرنه
نحب نسمع كلامك من تمرنه
تميل البصره كلها من تمرنه
والك شط العرب ياخذ تحيه .....

دارمي
*تسألني كل الناس عن امنياتي
اتمنى بس وياك تخلص حياتي

*شنو هالجمال البيك خبرنا عنة
شايل جمال الكون شمخلي النة

*الكلب لوينساك للسوك اجيبة
واكتب عليه للبيع خاين حبيبة

*اصفن وصفن الناس والماصفن داخ
واصرخ بعالي الصوت من فركتك آآآآخ

- - - - - شعر شعبي
بغـداد ويا بغـداد
بغـداد هيجي اصبحت يالسامع الابيات
بغــــداد جانت كبل لا دمع لا ونات
كرادة خارج هلا وشحلوة البنيات
ومنصور واكف جبل مابيه اثر طعنات
والكرخ يم النهر وية الرصافة ايبات
وباب المعظم دوة والكاظم الوصفات
والدورة امي أنا والغزل والصفنات
وزيونة مكان الرقة وشحلوة هالكعدات....

تحياتي اليكم اخوكم
الحنين