احمد التميمي *زنجيل ابو ذيات بس الي يعرف يقراهن يدخل

لانك بلتزامك مو منهلك
وخاف شيل ذنبي مو منهلك
منو بكدي يحبك مومنهلك
منو بكدي يحبك من عشرتك
ويتمنه يصير اصبع من عشرتك
وانه شكضيت خايب من عشرتك
واعد لسنين عشرتنه وهج روح
واحس ويه النفس يطله وهج روح
اخيرن كتلي ودعني وهج روح
اروحن وين مااكدر هوانته
وانه الماهان من اجلك هونته
الي بدنياي شي واحد هوه انته
حرت بين انتركت ونتبعت
ماباعك حبيبك ونته بعته
حبيبك باع عمره واشترك بيك
بعد شدوس كلبي وشترك بي
وجبل حبك من تكلك منتكل بي
ويدنيا اشما دفعتي لنتي كلبي
وذا تنساه يكلبي لنته كلبي
ولاريدك بعد وبصدري احملك
حبيبي اشلون ترضه وبصدري احم لك
اذ حملك يتعبه ولك صدري احملك
الي وروحي الارض وشكد دوله
وتداوي الداء لو بلمخ دوله
بس العين مايحصل دو اله
دواه العين خله من تقر بي
وتصب كلما تشوفك منته قربي
ولك شيصير حبك من تقر بي
وتحبني انته يقين بصدري موشك
والف شوكت سكوت ابصدري مو شك
انذبح كلبي وتشضه بصدري موشك
وعرف محد يدفنه وشي دفن شي
وعكب صدري المواكد شي دفن شي
والله كفر من رسم غيرك شي دفن شي
واضن للجنه يدخل لو بس يرسمك
حبيبك يمسح اسمه من يرسمك
بسمك حبي جمالك من يرسمك
وانه الليل بعيونك شفتك احله
وشفت شمس الاصيل وشفتك احله
العسل من ضكته كلك شفتك احله
اذن لومن شفاك بستك اشفه
لك انته المات يعدل بس تكشفه
شتضن حبك يتعبك بس تكشفه
وعلي تخفي اهتمامك وك تراثك
ون منل مات كلبي وك تراثك
نسيت الحب الاول وك تراثك
وصدك ينسه تراثه وهسه اجيلك
ونادي وماتكلي هسه اجيلك
وتشووف اسواج عيني هسه اجيلك
صحتلك يا صارت كبريائي
واذا رائيت منشر كبريائي
وحبيبي اشلون تجرح كبريائي
وتذلني كبال كل ناسك وناسي
وانه صفيت بصحره شاتلني وناسي
ناس تكول لاتسكت وناسي
لان كلش مذله لاكتلهم
وجبل حبي المقدس لاكتلهم
كالو حيل ذلك لاكتلهم
عنايه يحتاج كلبي وجاي اعاني
وخفيت شكثر منك وجاي اعاني
ولك تمرمرني من زورك جاي عاني
شكثر ندمان جي بيتك عتبته
وعرفت الباب من دكتي وعتبته
عتابي وياك جي احن وعتبته
وكلبي شلون يرهم كسرته
اسير وذل شجالك وك كسرته
كبل جانت اسرتك وك اسرته
هسه صرت انه الضحيه

عاشت الايادي ورد زنجبل ولا اروع

عاشت الايادي

يسلمووو شباب من ذوقكم

ينقل الى الارشيف السبب
مرور اكثر من3 اشهر على الموضوع

تـــــح ــــــــــــياتي

[وحدهم المشرفون لديهم صلاحيات معاينة هذه الصورة]

» الى الاداره جاوبوني احمد التميمي
» خاطره من كتاباتي احمد التميمي
» الى الاداره جاوبوني احمد التميمي