كلبي وجسمته الدنيا كتر يبجي وكتر عرس

احبتي هذه القصيده مختاره مني لكمجمعت فيها الغزل بالوجدانـــي
ارجو ان تكون عند حسن ظنكم

موال
جذابي بدرك طلع ليل الشته من طلــــي
وعالغير جذبك عبر لاجن عليّ من طلي
اتكلي منطيك حاسبني لون من طلــــــي
تكدر لباب الحجي المابيه نفع تجفلـــه
موش بتهيمه طحت وانته الذي تجفله
انه الجنت ذيب لو مر بالغنم تجفلــــــه
وبهاي الايام جم ذيب الشرد من طلي

( القصيده)
كبل جنه اهروش طيبه الوفع بينه شحلاتــــه
وكبل جنه انمد ادينه للفحط والوكت فاتـــــــه
وهسه طبع اذيابه بينه اليوكع اتسرده امهاته

يكلبي اشبيك مو يمي بعيد وصفنتك تزعل
من ياهي تكض وتشيل دنيه مبعثره شتعدل
مثل صباغ شيب الراس تزهك تالي وتبطل

اشمالك نخوة الوياك رجوه اعليك مرجيــــــــــــــه
كوم وياي نشفلي دمع نيشان مردود اعله راعيــه
عشرتي وياك اذن طفله اتنخه بابره محميــــــــــه
وعود ارجه فرحها ايصير من تلبس الترجيـــــــــه

تحفظ من دلال اهواك موش اتحمد عنجوره
هذا اليهدم المبني وهو اليحرك الصــــــــوره
يطبع الولف طبع الجاي يخرب لو كثر فوره

خل هظمك تحت عظمك لون شفت الحجي هوسه
حتى العنبر الطاهر وينكر شبكة اسبوســـــــــــــه
دلال العثك هم كبلك شحط بس الهوه ايبوســــــــه
تاليهه يصب دمعه حدر رجلين جابوســـــــــــــــه

دخليني اعله راي وياك مو كل ساعه الك سجـــــــــه
يالبيدك جلتلي الظيم وتملجه عليه ملجــــــــــــــــــه
عليش اتطش ورك روحي مهو مسطر صدف سمجه
يغاتي الكلب مو بستج وكل ما تشتهي اتعلجـــــــــه

دخليني مثل هلهولة امفرعه وسلفهه اخــــــــــرس
نجسه الكاع شوف العين لاجن ترف كلب الخس
عليمن واشره اعله النــــــاس
وعليمن واعتب اعله النـــاس
كلبي وجسمته الدنيه
كتر يبجي
وكتر عرس
كتر يبجي
وكتر عرس

ارجو ان تنال رضاكم

اخي سلطان
شعر شعبي جميل بكلماته والموال حلو كتي
عشت واحسنت .... بااارك الله فيك
خالص التحايا

مرسييييييييييييييييييييييييييييييييييييييي
تحياتي
hamodyyy

موضوع: رد السبت سبتمبر 25, 2010 4:13 am

تحياتي سلطان موال جميل والشعر اجمل
الف تحيه ويارب المزيد من التميز

[وحدهم المشرفون لديهم صلاحيات معاينة هذه الصورة]

-=-لا تتخيّـل كل النــاس ملائكهــــ -=-
-=- فتنهار احلامكـــ -=- -=- ولاتجعل ثقتك بهم عميـــاء -=-
-=- لأنك ستبكي يومـــا على سذاجتكـــ -=-

أنا انثى لا اتقاسم الأشياء مع احد
أما يكون لي وحدي او اتركه خلفي.....

شكرا نورتو المتصفح تحياتي

الله يا سلطان
فعلا كلام رائع
تحياتي الك يا ورده

تسلميلي ورده على طيب المروررر

ينقل الى الارشيف السبب
مرور اكثر من3 اشهر على الموضوع

تـــــح ــــــــــــياتي

[وحدهم المشرفون لديهم صلاحيات معاينة هذه الصورة]